મૈત્રીકરાર પછી માતા-પિતાના ઘેર આવી ગયેલી યુવતીને અપાઈ ધમકીઃ ફરિયાદ

Author: નોબત સમાચાર

મૈત્રીકરાર પછી માતા-પિતાના ઘેર આવી ગયેલી યુવતીને અપાઈ ધમકીઃ ફરિયાદ

નવાગામ-શાપરના શખ્સની પોલીસ દ્વારા શોધખોળઃ

જામનગર તા.૩૧ : જામનગરની એક યુવતીએ થોડા સમય પહેલાં નવાગામ-શાપરના યુવક સાથે મૈત્રીકરાર કર્યા પછી તે યુવતી પોતાના ઘેર પરત આવી ગઈ હતી. તે પછી પણ આ યુવતીને ઈમોશનલ બ્લેકમેઈલીંગ કરતા રહેતા આ શખ્સે તેણીના પિતાને પણ મારી નાખવાની ધમકી આપતા આખરે ફરિયાદ કરાઈ છે.

જામનગર-ખંભાળિયા માર્ગ પર આવેલા નવાગામ-શાપર ગામના રાજેશ હાથીયા નામના શખ્સ સામે જામનગરના ગુલાબનગર વિસ્તારમાં આવેલા ક્રિષ્ના ૫ાર્ક પાસે વસવાટ કરતા એક યુવતીએ સિટી બી ડિવિઝન પોલીસ સ્ટેશનમાં ફરિયાદ નોંધાવી છે.

ફરિયાદમાં જણાવવામાં આવ્યા મુજબ ૨૩ વર્ષની આ યુવતીએ થોડા સમય પહેલાં રાજેશ સાથે રાજીખુશીથી મૈત્ર કરાર કર્યા હતા. તે પછી બંને પાત્રો સાથે રહેતા હતા. થોડા જ દિવસોમાં બંને વચ્ચે કોઈ બાબતે વિખવાદ જાગતા આ યુવતી પોતાના માતા-પિતાના ઘેર પરત આવી ગઈ હતી.

ત્યારપછી રાજેશે અવાર નવાર તેણીને ફોન કરીને કોઈની સાથે વાત ન કરતી તેમ જણાવવા ઉપરાંત ઈમોશનલ બ્લેકમેઈલીંગ શરૂ કર્યું હતું. આ શખ્સે મારી સાથે વાત કર, મારી પાસે આવી જા નહીંતર હું ઝેરી દવા પીને આત્મહત્યા કરી લઈશ અથવા તારા પિતાને જાનથી મારી નાખીશ તેવી ધમકી પણ આપી હતી.

તે ઉપરાંત રાજેશે તે યુવતીને તારા લગ્ન પણ ક્યાંય થવા નહીં દઉં તેમ કહી પજવતા આખરે આ મામલો પોલીસ મથકે પહોંચ્યો છે. પીએસઆઈ ડી.જી. રાજે બીએનએસની કલમ ૩૫૧ (ર) (૩) હેઠળ ગુન્હો નોંેંધી આરોપી રાજેશ હાથીયાની શોધ આરંભી છે.

જો આપને આ પોસ્ટ ગમી હોય તો શેર કરો...

Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

Social Media

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

Author: નોબત સમાચાર

મૈત્રીકરાર પછી માતા-પિતાના ઘેર આવી ગયેલી યુવતીને અપાઈ ધમકીઃ ફરિયાદ

અન્ય સમાચારો

MARKET

હવામાન

શબ્દવ્યુહ

MARKET

હવામાન