Advertisement
Author: નોબત સમાચાર

મધદરિયે હૃદયરોગનો હુમલો આવી જતાં માછીમારનું મૃત્યુઃ અન્ય એકને હાર્ટએટેક

ઉંઘમાંથી ઉઠીને બાથરૂમ જઈ પરત આવતા ગર્ભવતી મહિલાનું પડી જવાથી મૃત્યુઃ

જામનગર તા.૩૧ : ઓખા મંડળમાં આર.કે. બંદર પરથી માછીમારી માટે દરિયામાં ગયેલા એક માછીમારને મધ દરિયે હૃદયરોગનો તિવ્ર હુમલો આવી જતાં તેઓનું મૃત્યુ નિપજ્યું છે. જયારે ઓખાની નવી બજારમાં વસવાટ કરતા વેપારીને પણ હૃદયરોગ ભરખી ગયો છે. ગર્ભવતી હાલતમાં રહેલા કલ્યાણપુરના પીંડારા ગામના મહિલા રવિવારે રાત્રે બાથરૂમમાંથી પરત ફરતી વેળા કોઈ રીતે લપસી પડ્યા પછી ગંભીર ઈજા પામ્યા હતા. તેઓનું પ્રાણપંખેરૃં ઉડ્યું છે.

દેવભૂમિ દ્વારકા જિલ્લાના ઓખામંડળમાં આવેલા આરકે બંદર પર માછીમારી માટે આવીને રહેતા ગિર સોમનાથ જિલ્લાના ઉના તાલુકાના તડ ગામના જેસાભાઈ નાનુભાઈ બાંભણીયા (ઉ.વ.૪ર) નામના માછીમાર ઈકરા-૩ નામની બોટમાં માછીમારી માટે રવાના થયા હતા.

તેઓ જ્યારે રવિવારે સવારે મધદરિયે હતા ત્યારે કેબીનમાં આરામ કરી રહેલા આ યુવાનને પ્રાણઘાતક હુમલો આવી ગયો હતો. તેઓને સારવાર માટે કાંઠે લાવવામાં આવે તે પહેલાં તેમનું પ્રાણપંખેરૂ ઉડી ગયું હતું. પાલાભાઈ નારણભાઈ સોલંકીએ પોલીસને જાણ કરી છે.

ઓખાની નવીનગરીમાં જલારામ આવાસમાં રહેતા પંકજભાઈ જમનાદાસ તન્ના (ઉ.વ.૪૭) નામના લોહાણા યુવાન રવિવારે રાત્રે અગિયારેક વાગ્યે પોતાના ઘેર હતા ત્યારે છાતીમાં દુખાવો ઉપડતા સારવાર માટે દવાખાને લઈ જવાયા હતા. જ્યાં તેઓનું હૃદયરોગના હુમલાથી મૃત્યુ થયાનું મોટાભાઈ મહેન્દ્રભાઈ તન્નાએ પોલીસ સમક્ષ જાહેર કર્યું છે.

દેવભૂમિ દ્વારકા જિલ્લાના કલ્યાણપુર તાલુકાના પીંડારા ગામમાં વસવાટ કરતા જશુબેન જગદીશભાઈ વારોતરીયા (ઉ.વ.૩ર) નામના મહિલા રવિવારે રાત્રે નિદ્રાધીન થયા પછી ત્રણેક વાગ્યે લઘુશંકા કરવા જવા માટે બાથરૂમ તરફ ગયા હતા.

હાલમાં આઠેક મહિનાનો ગર્ભ ધરાવતા આ મહિલા બાથ રૂમમાંથી પરત ફરતી વખતે તેમના મકાનની ઓસરીના કાંઠા પાસે કોઈ રીતે લપસી પડ્યા હતા. ઈજા પામેલા જશુબેનને સારવારમાં ખસેડવામાં આવ્યા પછી ગઈકાલે તેણી પર કાળનો પંજો પડ્યો છે. આ બનાવ અંગે પતિ જગદીશભાઈ પરબતભાઈ વારોતરીયાએ પોલીસને જાણ કરી છે. નાના એવા પીંડારા ગામમાં આ બનાવે ભારે શોક પ્રસરાવ્યો છે.

 

જો આપને  પોસ્ટ ગમી હોય તો શેર કરો...

Follow us:   પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

 

Social Media

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

 

વિડિયો માટે અમારી યુ-ટ્યૂબ ચેનલને સબસ્ક્રાઈબ કરો

https://youtube.com/@Nobatofficial



Advertisement

અન્ય સમાચારો

Advertisement
close
Ank Bandh