Author: નોબત સમાચાર
ભાણવડના ઘુમલી વિસ્તારમાં ગેરકાયદે દબાણો પર ફરી વળ્યું તંત્રનું બુલડોઝર
ખંભાળિયા તા.ર૬ : ભાણવડના ઘુમલીમાં કેટલાક અસામાજિક તત્ત્વોએ ઉભા કરી દીધેલા ગેરકાયદે દબાણો પર ગઈકાલે પોલીસે બુલડોઝર ફેરવી દીધુ હતું. અગાઉ કેટલાક વિસ્તારોમાં અસામાજિક તત્ત્વોના દબાણો સામે કાર્યવાહી કરાયા પછી આગામી દિવસોમાં પણ આ કાર્યવાહી યથાવત રાખવામાં આવશે. તેમ માહિતગાર સૂત્રોએ જણાવ્યું છે. દેવભૂમિ દ્વારકા જિલ્લાના દ્વારકા, ઓખા, બેટ દ્વારકા, કલ્યાણપુર સહિતના ગામોમાં અસામાજિક તત્ત્વોના ગેરકાયદે બાંધકામો સામે તંત્ર એ પગલાં ભરી પાડતોડ કર્યા પછી ગઈકાલે ભાણવડના ઘુમલી વિસ્તારમાં કેટલાક દબાણો પર તંત્રએ બુલડોઝર ફેરવી દીધુ હતું. ઘુમલી વિસ્તારમાં આ પ્રકારના દબાણો અંગે વિગત એકઠી કર્યા પછી ગઈકાલે ભાણવડના પીઆઈ કે.બી. રાજવી તથા સ્ટાફે ત્યાં ધસી જઈ જેસીબીથી દબાણો દૂર કરાવ્યા હતા. આગામી દિવસોમાં સલાયા, વાડીનાર તથા રાવલ અને ખંભાળિયા પંથકમાં પણ દબાણ હટાવ કામગીરી કરવામાં આવશે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
