Author: નોબત સમાચાર
ટ્રેનમાં બોમ્બ મૂક્યાનું રાજકોટ પોલીસને જણાવી ધંધે લગાડનાર નગરનો શખ્સ ઝબ્બે
યાર્ડના વેપારી, પિતા સાથે રકઝકથી ઉશ્કેરાયોઃ
જામનગર તા. ૨: રાજકોટ પોલીસને ગઈકાલે ફોનના માધ્યમથી એક ધમકી મળી હતી. જેમાં અજાણ્યા શખ્સે ટ્રેનમાં બોમ્બ મૂક્યાની શેખી મારી હતી. તાત્કાલિક હરકતમાં આવેલી રાજકોટ પોલીસે જામનગર ઉપરાંત વિરમગામ, અમદાવાદ સહિતની પોલીસને તેની જાણ કર્યા પછી તપાસના ધમધમાટમાં અમદાવાદના કાલુપુર રેલવે સ્ટેશનમાંથી જામનગરનો આ શખ્સ ઝડપાઈ ગયો છે. તેણે યાર્ડના વેપારી તથા પિતા સાથે થયેલી રકઝકથી ઉશ્કેરાઈને આવો બોગસ ફોન કર્યાની કબૂલાત આપી છે.
રાજકોટના પોલીસ કંટ્રોલ રૂમમાં ગઈકાલે એક શખ્સે મોબાઈલ પરથી કોલ કરીને જણાવ્યું હતું કે, આ શખ્સ જામનગર રેલવે સ્ટેશન ઉપરાંત રાજકોટ, ધ્રોલ, સુરેન્દ્રનગર અને વિરમગામના રેલવે સ્ટેશનને ટાર્ગેટ કરી રહ્યો છે અને તેણે અમૂક ટ્રેનમાં બોમ્બ મૂક્યા છે.
ઉપરોક્ત જાણકારીના પગલે તાત્કાલિક હરકતમાં આવેલી રાજકોટ પોલીસે ઉપરોક્ત તમામ જિલ્લાના પોલીસતંત્રને જાણ કરી હતી અને જે મોબાઈલ પરથી કોલ આવ્યો હતો તે મોબાઈલને ટ્રેસ કરવાનું શરૂ કર્યું હતું. જેમાં અમદાવાદના કાલુપુર રેલવે સ્ટેશન પરથી પોલીસે જામનગરના રવિરાજસિંહ રણજીતસિંહ જાડેજા નામના શખ્સને દબોચી લીધો હતો.
આ શખ્સની પૂછપરછ કરાતા તેણે પોતાના પિતા રણજીતસિંહ સાથે જામનગરના હાપા માર્કેટીંગ યાર્ડમાં મગફળી વેચવા ગયાનું અને ત્યાં ઓછા ભાવ મળતા યાર્ડ સંચાલકો સાથે તેને તકરાર થઈ હતી. ત્યારપછી તેના પિતાએ ફડાકો ઝીંકી દેતા ઉશ્કેરાયેલા રવિરાજસિંહે જામનગરથી ટ્રેનમાં બેસી ગયા પછી રાજકોટ આવ્યું ત્યારે મોબાઈલમાંથી કોલ કરી રાજકોટ પોલીસને બોમ્બ મૂક્યા ની ધમકી આપ્યાનું ખૂલ્યું છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
