ત્યકતા પુત્રી પર દુષ્કર્મ ગુજારનાર નરાધમ પિતાને આજીવન કેદની સજા

Author: નોબત સમાચાર

ત્યકતા પુત્રી પર દુષ્કર્મ ગુજારનાર નરાધમ પિતાને આજીવન કેદની સજા

યુવતીને રૂ.૬ લાખ વળતર પેટે ચૂકવવા આદેશઃ

જામનગર તા.૨૮ : લાલપુર પંથકમાં વસવાટ કરતી એક ત્યકતાએ પોતાના સગા પિતા સામે છ વર્ષ પહેલાં દુષ્કર્મ ગુજારવા અંગે ફરિયાદ નોંધાવી હતી. આ યુવતી જ્યારે દસ વર્ષની હતી ત્યારે પણ પિતાએ દુષ્કર્મ ગુજાર્યું હતું. તે પછી છૂટાછેડા થતાં આ શખ્સે ફરીથી પુત્રી પર નજર બગાડી હતી. તે કેસ ચાલી જતાં અદાલતે નરાધમને છેલ્લા શ્વાસ સુધીની કેદની સજા ફટકારી ભોગ બનનારને વળતર અપાવ્યું છે.

આ ચકચારી કિસ્સાની વધુ વિગત મુજબ લાલ૫ુર પંથકમાં વસવાટ કરતી એક યુવતીએ વર્ષ ૨૦૧૫માં પોતાના સગા પિતા સામે ફરિયાદ નોંધાવી તેમાં જણાવ્યું હતું કે, તેણી જ્યારે સાત વર્ષની હતી ત્યારે તેના સગા પિતાએ અણછાજતા અડપલાં કર્યા હતા તે પછી દસ વર્ષની થયેલી આ બાળકી પર જે તે વખતે તેના સગા પિતાએ દુષ્કર્મ ગુજાર્યું હતું.

તે પછી નરાધમ પિતાએ બીજા લગ્ન કરી લીધા હતા. જ્યાંથી તેના છૂટાછેડા થતાં ફરીથી આ શખ્સ પોતાની પુત્રી સાથે રહેવા આવી ગયો હતો. સમય વિત્યે આ સગીરા યુવાન થતાં તેણીના લગ્ન થયા હતા. લગ્ન પછી કોઈ કારણથી આ યુવતીના પણ છૂટાછેડા થતાં પિતાના ઘેર પરત ફરવું પડ્યું હતું. જ્યાં ગઈ તા.૨૬-૧૨-૧૮ના દિને પિતાએ ફરીથી દુષ્કર્મ ગુજારતા વાજ આવી ગયેલી પુત્રીએ પિતા સામે ફરિયાદ નોંેંધાવી હતી.

ઉપરોક્ત ચકચારી કેસ જામનગરની અદાલતમાં ચાલી જતાં અદાલતે સરકારી વકીલ ભારતીબેન વાદીની દલીલો ગ્રાહ્ય રાખી આરોપી પિતાને આજીવન કેદ એટલે કે છેલ્લા શ્વાસ સુધીની કેદની સજા ફટકારી છે અને ભોગ બનનાર યુવતીને કમ્પેઈન્સેશનમાંથી રૂ.૬ લાખ વળતર ચૂકવવાનો હુકમ કર્યાે છે.

જો આપને આ પોસ્ટ ગમી હોય તો શેર કરો...