સગીરા પર દુષ્કર્મ ગુજારનાર પરપ્રાંતીય શખ્સને ૧૦ વર્ષની કેદઃ સગીરાને વળતર

Author: નોબત સમાચાર

સગીરા પર દુષ્કર્મ ગુજારનાર પરપ્રાંતીય શખ્સને ૧૦ વર્ષની કેદઃ સગીરાને વળતર

પ્રેમજાળમાં ફસાવી મ્હોં કાળુ કર્યું હતું:

જામનગર તા.૨૮ : જામનગરના દરેડ જીઆઈડીસી વિસ્તારમાં રહેતી એક સગીરાને પ્રેમજાળમાં ફસાવી એક પરપ્રાંતીય શખ્સે દુષ્કર્મ ગુજાર્યા પછી અમદાવાદ બોલાવી ત્યાંથી જુદા જુદા સ્થળે લઈ જઈ અવારનવાર દુષ્કર્મ ગુજાર્યાની પોલીસમાં ફરિયાદ થઈ હતી. તે કેસ ચાલી જતાં અદાલતે આરોપીને દસ વર્ષની કેદની સજા ફટકારી છે અને સગીરાને રૂ.૧ લાખનું વળતર ચૂકવવાનો હુકમ કર્યાે છે.

જામનગર નજીક દરેડ પાસે ઔદ્યોગિક વિસ્તારમાં રહેતા એક પરિવારની સાડા સત્તર વર્ષની વયની પુત્રી એક કારખાનામાં કામ પર જતી હતી તે સગીરાને કારખાનામાં સાથે કામ કરતા રાજસ્થાનના નારાયણ પરસુરામ મારાજ નામના શખ્સે પ્રેમજાળમાં ફસાવી લીધી હતી.

આ સગીરાને લગ્નની લાલચ આપી તેણી પર દુષ્કર્મ ગુજાર્યા પછી નારાયણ પોતાના વતનમાં જતો રહ્યો હતો. જ્યાંથી તેણે અમદાવાદ આવી ગઈ તા.૧૯-ર-૧૯ના દિને સગીરાને અમદાવાદ આવી જવાનું કહી ત્યાંથી પોતાના વતનમાં લઈ ગયો હતો. જ્યાં દુષ્કર્મ ગુજાર્યા પછી મામાના ઘેર ઔરંગાબાદ લઈ ગયો હતો ત્યાં પણ બે સપ્તાહ સુધી સગીરા પર દુષ્કર્મ ગુજાર્યું હતું. પોલીસે તેની માતાની ફરિયાદ પરથી ગુન્હો નોંધ્યો હતો. ઉપરોક્ત કેસ જામનગરની ખાસ અદાલતમાં ચાલી જતાં અદાલતે આરોપી નારાયણ પરસુરામ મારાજને સરકારી વકીલ ભારતીબેન વાદીની દલીલો ગ્રાહ્ય રાખી તક્સીરવાન ઠરાવ્યા પછી દસ વર્ષની કેદની સજા ફટકારી છે અને ભોગ બનનારને રૂ.૧ લાખ કોમ્પેઈન્સેશનમાંથી વળતર પેટે ચૂકવવાનો હુકમ કર્યાે છે.

જો આપને આ પોસ્ટ ગમી હોય તો શેર કરો...