Author: નોબત સમાચાર
જામનગરની ગવર્નમેન્ટ કોલેજ અને હોસ્પિટલમાં દર્દીઓના મોઢાની તપાસઃ કેન્સર પૂર્વેનું નિદાન
વિશ્વ કેન્સર દિવસની ઉજવણી અંતર્ગત
જામનગર તા. ર૮: ગવર્નમેન્ટ ડેન્ટલ કોલેજ અને હોસ્પિટલ, જામનગરમાં ઓરલ મેડિસન અને રેડિયોલોજી વિભાગ દ્વારા "વિશ્વ કેન્સર દિવસ" ની ઉજવણી કરવામાં આવી હતી. જે અંતર્ગત ઓપીડીમાં આવેલ તમામ દર્દીઓની મોઢાની તપાસ કરીને કેન્સર અને કેન્સર પૂર્વેના તબક્કાનું નિદાન કરવામાં આવ્યું હતું. જે દર્દીઓમાં કેન્સર સંબંધી વધારે લક્ષણો જણાયા તેઓની સાયટોસ્મિયર એટલે કે, માઈક્રોસ્કોપ દ્વારા કોષોની તપાસ પણ કરવામાં આવી હતી.
આ સાથે દર્દીઓ તેમજ સાથે આવેલા સગા-સંબંધીઓને તમાકુ, તમાકુની આડઅસરો, કેન્સર અને કેન્સરના વહેલા નિદાનથી સારવારમાં થતા ફાયદાઓની સચિત્ર માહિતી વ્યાખ્યાન દ્વારા આપવામાં આવી હતી. કાર્યક્રમ અંતર્ગત દર્દીઓને એન્ટી ઓક્સડન્ટ દવાઓનું વિનામૂલ્યે વિતરણ પણ કરવામાં આવ્યું હતું.
સમગ્ર કાર્યક્રમ સંસ્થાના ડીન શ્રી ડો. નયનાબેન પટેલની સીધી દેખરેખ હેઠળ તેમજ વિભાગના વડા ડો. રીટા ઝા ના માર્ગદર્શન હેઠળ યોજાયેલ કાર્યક્રમને સફળ બનાવવા ઓરલ મેડિસન અને રેડિઓલોજી વિભાગના ડોક્ટરો, ડો. માનસી ખત્રી, ડો. અભિષેક નિમાવત, ડો. કાજલ શીલું અને ડો. ફોઝિયા પઠાણે જહેમત ઉઠાવી હતી.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
