Author: નોબત સમાચાર
ક્રોધ અને ખોટા વિચાર આવવાના કારણે ભીંડાના યુવાનનું વિષપાનઃ સારવારમાં મૃત્યુ
જામનગર તા.ર૮ : જામનગરના સરદારનગરમાં રહેતા એક પ્રૌઢાએ ગઈકાલે અકળ કારણથી ઝેરી દવા પી લીધા પછી તેઓનું સારવાર દરમિયાન મૃત્યુ નિપજ્યું છે. જ્યારે ખંભાળિયાના ભીંડા ગામના યુવાને ક્રોલ આવતો હોવાથી અને ખોટા વિચાર થવાથી ઝેરી દવા પી લીધા પછી ત્રણ દિવસની સારવારના અંતે તેઓનું મૃત્યુ નિપજ્યું છે. પોલીસે બંને બનાવ અંગે નિવેદન નોંધી તપાસનો ધમધમાટ શરૂ કર્યાે છે.
જામનગરના સરદારનગર વસવાટ કરતા ઉજાબેન અરશી ભાઈ ગોજીયા (ઉ.વ.પપ) નામના પ્રૌઢાએ ગઈકાલે સવારે કોઈ અકળ કારણથી ઝેરી દવા પી લીધી હતી. સારવાર માટે હોસ્પિટલમાં ખસેડાયેલા આ પ્રૌઢાનું મૃત્યુ નિપજ્યું છે. તેમના પુત્ર સુરેશભાઈ ગોજીયાએ પોલીસને જાણ કરી છે.
ખંભાળિયા તાલુકાના ભીંડા ગામના રહેવાસી દિલીપભાઈ લખમણભાઈ બોદર નામના ૩૯ વર્ષના યુવાને ગયા સોમવારે રાત્રે કોઈ ઝેરી દવા પી લીધી હતી. સારવારમાં લઈ જવાયેલા દિલીપભાઈનું કાલે મૃત્યુ નિપજ્યું છે. તેમના પિતા લખમણભાઈ દેવાભાઈ બોદરે પોલીસને જાણ કરી છે.
પોલીસે તેમના નોંધેલા નિવેદનમાં ખૂલ્યા મુજબ દિલીપ ભાઈને અત્યંત ક્રોધ આવતો હતો અને ખોટા વિચાર આવવાના કારણે તેઓએ આ પગલું ભરી લીધુ છે. પોલીસે નિવેદનની નોંધ કરી આગળની કાર્યવાહી હાથ ધરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
