Author: નોબત સમાચાર
જામનગરમાં ખેલ મહાકુંભ હેઠળ સૌરાષ્ટ્ર ઝોનની બાસ્કેટ બોલ સ્પર્ધા
બન્ને વયજૂથમાં જામનગર દ્વિતીય ક્રમે
જામનગર તા. ૨૭: ગુજરાત સરકારના રમત-ગમત, યુવા અને સાંસ્કૃતિક પ્રવૃત્તિઓ વિભાગ હેઠળની સ્પોર્ટ્સ ઓથોરીટી ઓફ ગુજરાત ગાંધીનગર દ્વારા આયોજીત અને જિલ્લા રમત ગમત અધિકારી, જામનગર શહેર દ્વારા સંચાલિત ખેલ મહાકુંભ ૩.૦ ૨૦૨૪-૨૫ અંતર્ગત સૌરાષ્ટ્ર ઝોનની બાસ્કેટબોલ અંડર ૧૭ વયજુથની બહેનોની સ્પર્ધાનું તેમજ સૌરાષ્ટ્ર ઝોનની બાસ્કેટબોલ બહેનોની ઓપન વયજૂથ સ્પર્ધાનું આયોજન આયોજન તા. ૧૭ થી ૧૯ ફેબ્રુઆરી અને તા.૧૯ થી ૨૧ ફેબ્રુઆરી દરમિયાન બાસ્કેટબોલ કોર્ટ, જિલ્લા રમત પ્રશિક્ષણ કેન્દ્ર, જિલ્લા પંચાયતની સામે, જામનગરમાં જિલ્લા રમતગમત અધિકારી જામનગર શહેર દ્વારા કરવામાં આવ્યું હતું.
સૌરાષ્ટ્ર ઝોન અંડર ૧૭ વયજુથની બહેનોની સ્પર્ધામાં સૌરાષ્ટ્ર ઝોનમાં આવતા જુદા-જુદા જિલ્લાઓની વિજેતા કુલ ૧૪ બહેનોની ટીમ અને ૧૬૮ ખેલાડીએ ભાગ લીધો હતો. જેમાં પ્રથમ ક્રમ રાજકોટ ગ્રામ્યની ટીમ અને દ્વિતીય ક્રમે જામનગર ગ્રામ્યની ટીમ વિજેતા થયા હતા જેઓ રાજ્યકક્ષાની બાસ્કેટબોલ સ્પર્ધામાં ભાગ લેશે.
ઓપન વયજુથની સ્પર્ધામાં સૌરાષ્ટ્રના વિવિધ જિલ્લાઓની ૧૨ ટીમો એમ કુલ ૧૪૪ ખેલાડીઓએ ભાગ લીધેલ હતો. જેમાં પ્રથમ ક્રમે ભાવનગર શહેર અને બીજા ક્રમે જામનગર શહેરની ટીમો વિજેતા થતા આ ટીમ રાજ્ય કક્ષાની બાસ્કેટબોલ સ્પર્ધામાં ભાગ લેશે. તેમ જિલ્લા રમત ગમત અધિકારી જામનગરે જણાવ્યું છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
