Nobat ના બધા ન્યુઝ તમારા નોટીફીકેસન મેળવવા માટે નીચે I Understand ઉપર ક્લિક કરો.
વિ૫ક્ષી સાંસદોએ 'સરકાર શરમ કરો શરમ કરો'ના નારા લગાવ્યાઃ બન્ને ગૃહ બપોર સુધી સ્થગિત
નવી દિલ્હી તા. ૬: ભારતીયોના દેશનિકાલના મુદ્દે સંસદમાં હોબાળો કરી 'શરમ કરો'ના નારા લગાવ્યા. બન્ને ગૃહો બપોર સુધી સ્થગિત કરાયા હતાં અને બપોરે આ મુદ્દે વિદેશમંત્રી એસ. જયશંકરના સંસદમાં જવાબ પર સૌની મીટ મંડાયેલી હતી.
અમેરિકાથી ભારતીયોને દેશનિકાલ કરવાના મુદ્દા પર આજે સંસદમાં હોબાળો થયો હતો. સવારે ૧૧ વાગ્યે કાર્યવાહી શરૂ થતા જ વિપક્ષે આ મુદ્દા પર ચર્ચાની માગ કરી હતી અને વિપક્ષી સાંસદોએ 'સરકાર શરમ કરો'ના નારા લગાવ્યા હતાં.
લોકસભા સ્પીકર ઓમ બિરલાએ કહ્યું હતું કે, સરકાર તમારી ચિંતાથી વાકેફ છે. આ વિદેશનીતિનો મુદ્દો છે. આ મુદ્દે રાજ્યસભામાં પણ હોબાળો થયો તે પછી લોકસભા અને રાજ્યસભાની કાર્યવાહી બપોર સુધી સ્થગિત કરવામાં આવી હતી. તે પછી એવું જાહેર થયું હતું કે, વિદેશમંત્રી બપોરે આ મુદ્દે જવાબ આપશે.
લોકસભામાં કોંગ્રેસના સાંસદ મણિકમ ટાગોરે પણ ભારતીય નાગરિકોને અમેરિકામાંથી દેશનિકાલ કરવા અંગે ચર્ચા કરવા માટે સ્થગિત કરવાની નોટીસ આપી હતી. ટાગોરે પોતાની નોટીસમાં કહ્યું કે અમેરિકામાંથી ૧૦૦ થી વધુ ભારતીયોને હાંકી કાઢવાથી સમગ્ર દેશ આઘાતમાં છે. આ માનવ અધિકારોનું ઉલ્લંઘન છે. સરકાર આ અંગે ચૂપ કેમ છે? ભારતે આ અમાનવીય વર્તનની નિંદા કેમ ન કરી?
ઉલ્લેખનિય છે કે, સંસદનું બજેટસત્ર શુક્રવાર (૩૧ જાન્યુઆરી) થી શરૂ થયું. પહેલું સત્ર ૩૧ જાન્યુઆરથી ૧૩ ફેબ્રુઆરી સુધી અને બીજુ સત્ર ૧૦ માર્ચથી ૧૪ એપ્રિલ સુધી ચાલશે. આ સત્રમાં ૧૬ બિલ રજૂ થઈ શકે છે. જેમાંથી ૧ર બિલ ર૦ર૪ ના ચોમાસા અને શિયાળુ સત્રમાં રજૂ કરવામાં આવ્યા હતાં. દિલ્હી વિધાનસભા ચૂંટણી માટે મતદાનને કારણે બુધવારે ગૃહની કાર્યવાહી સ્થગિત કરવામાં આવી હતી, અને આજે સવારથી બન્ને ગૃહોમાં હોબાળો થયો હતો.
અહેવાલો મુજબ ૧ર વાગ્યા સુધી અને તે પછી બે વાગ્યા સુધી ગૃહ સ્થગિત કરાયું હતું. બપોરે વિદેશમંત્રી એસ. જયશંકરના જવાબ પર સૌની મીટ મંડાયેલી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial