Author: નોબત સમાચાર
હાલારની નગરપાલિકાઓમાં સૌથી વધુ ગ્રાન્ટ મેળવતી પાલિકામાં પગારના પણ સાંસા !
વહીવટદારોના શાસનમાં નગરજનો વધુ ખુશ હતાં!
ખંભાળિયા તા. ૪: સરકારી તંત્રોમાં કુશળ શાસક હોય તો તેનું સારૂ પરિણામ આવે તે ખંભાળિયા ન.પા. ઉપરથી કહી શકાય છે. દ્વારકા જિલ્લામાં સૌથી મોટી નગરપાલિકા ઓખા કરતા પણ ખંભાળિયા નગર પાલિકાની ઓક્ટ્રોય ગ્રાન્ટ વધુ છે, છતાં પગારના સાંસાની સ્થિતિ થઈ છે.
અગાઉ જ્યારે વહીવટદારનું શાસન હતું ત્યારે તત્કાલિન ડે. કલેક્ટર એન.આર. પ્રજાપતિના સમયમાં ખૂબ જ સારા વહીવટથી ખંભાળિયા નગર પાલિકાની ઓક્ટ્રોય વિકલ્પ ગ્રાન્ટ હાલ સમગ્ર હાલારની નવ નગર પાલિકાઓમાં સૌથી વધુ છે. હાલ બે માસની ઓક્ટ્રોય ગ્રાન્ટમાં સૌથી ઓછી સલાયા ન.પા.માં ૮.૩૬ લાખ, ભાણવડમાં ર૦.પ૪ લાખ, ધ્રોળમાં રપ.૬૮ લાખ, જામજોધપુરમાં ૩૧.૦૬ લાખ, દ્વારકામાં ૪૬.પ૬ લાખ, ઓખામાં ૪૭.૮ર લાખની બે માસની ઓક્ટ્રોય આવક સાથે ખંભાળિયામાં ૮૭.૮પ લાખની આવક છે. ભાણવડ જેવી નગરપાલિકા કરતા ચારગણી આવક પણ પગારના સાંસા!
હાલની સ્થિતિમાં ખંભાળિયા 'સી' ગ્રેડની ન.પા. છે, જેની સામે ગોધરા ન.પા. 'એ' ગ્રેડની ન.પા. હોવા છતાં તેને ખંભાળિયા કરતા ૧૦ લાખ પગાર માટે ઓક્ટ્રોય ગ્રાન્ટ ઓછી મળે છે, છતાં ત્યાંના ચીફ ઓફિસર રવજીભાઈ પટેલ જેઓ અગાઉ ખંભાળિયા રહી ચૂક્યા છે તેમણે પાંચ કરવેરામાં વધારો કરીને ગોધરા ન.પા.ને નિયમિત પગાર કરતી ઓછી ઓક્ટ્રોય ગ્રાન્ટ છતાં કરી છે જ્યારે ખંભાળિયા ન.પા.એ તો ર૦ વર્ષથી કર વધાર્યો જ નથી જેથી આજની સ્થિતિ સર્જાઈ છે. વહીવટદારના ગોલ્ડન પિરિયડને આજે પણ લોકો- કર્મચારીઓ યાદ કરે છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
_copy_800x448~4.jpeg)
 (25)_copy_800x455~2.jpeg)
 (23)_copy_800x449~2.jpeg)
