કિચડિયા પક્ષીઓની ગણતરી થઈ શરૃઃ ૧રપ પક્ષીવિદે જોડાયાઃ કાલે ખીજડિયામાં કોન્ફરન્સ

Author: નોબત સમાચાર

કિચડિયા પક્ષીઓની ગણતરી થઈ શરૃઃ ૧રપ પક્ષીવિદે જોડાયાઃ કાલે ખીજડિયામાં કોન્ફરન્સ

દેશમાં સૌ પ્રથમ વખત જામનગર મરીન નેશનલ પાર્કમાં

જામનગર તા. ૪: દેશમાં સૌ પ્રથમ વખત મરીન નેશનલ પાર્ક, મરીન સેન્ચુરી જામનગરમાં આજે પક્ષી પ્રજાતિ અને પક્ષી માટે ગણતરી ચાલી રહી છે. આજે સવારથી પક્ષી વિદે અલગ અલગ સ્પોટ ઉપર ગોઠવાઈ ગયા છે. આ કામગીરી સાંજ સુધી ચાલશે. આ પછી આવતીકાલે પક્ષીવિદે ખીજડિયામાં એકત્ર થશે અને માહિતીની આપ-લે કરશે. ઓળખ અને તેની ગણતરી માટે આજે કાર્યક્રમ ચાલી રહ્યો છે.

બર્ડ કન્ઝર્વેશન સોસાયટીના પ્રમુખ બકુલ ત્રિવેદીના જણાવ્યા મુજબ આ પ્રકારની કામગીરી પ્રથમ વખત થઈ રહી છે, જેમાં ગુજરાત ઉપરાંત દેશ-વિદેશથી આશરે ૧રપ પક્ષીવીદે, નિષ્ણાતો જામનગર આવ્યા છે, અને તેમની અલગ અલગ રપ ટૂકડી બનાવવામાં આવી છે. જેવો આજ સવારથી ઓખાથી નવલખી સુધીના ૧૭૦ કિ.મી.ના દરિયા કાંઠા વિસ્તારમાં ગોઠવાઈ ગઈ છે અને કામગીરીનો પ્રરંભ કર્યો છે. સૂર્યોદયથી સૂર્યાસ્ત સુધી આ કામગીરી કરવામાં આવનાર છે. તેમાં ખાસ કરીને પક્ષીની પ્રજાતિની સાથે પક્ષીની પણ ગણતરી કરશે.

જામનગરમાં આશરે ૩૦૦ થી સ્થાનિક અને પ્રવાસી પક્ષીની પ્રજાતિ જોવા મળેલ છે. શ્રીલંકા પક્ષી નિષ્ણાત શ્રી સંપત પણ જામનગર આવ્યા છે. તેઓએ રામસેતુ વિસ્તારમાં પક્ષીની નવી પ્રજાતિની શોધ કરી છે, અને કાર્યક્રમના સ્પિકર પણ છે. તેમણે એક પક્ષીને હનુમાન ફ્લોઅર નામ આપ્યું છે.

આવતીકાલે રવિવારે સવારે તમામ પક્ષી નિષ્ણાતો ખીજડિયામાં એકત્ર થશે અને ક્યા પ્રકારના, કેટલા પક્ષીઓ જોયા? શું જાણ્યું? તે અંગે વિગતોની આપ-લે કરશે.

ખીજડિયા બર્ડ સેન્ચુરીના આરએફઓ દક્ષાબેન વઘાસિયાએ જણાવ્યા મુજબ કાદવ-કિચડ, બેટલેન્ડ, ટેરેટેરી બર્ડ વગેરેનો સમાવેશ ગણતરીમાં કરાશે.

ગઈકાલે બપોર પછી ત્રણ દિવસીય આ કાર્યક્રમનો ખીજડિયામાં પ્રારંભ થયો હતો. હવે આજે પક્ષી ગણતરી થઈ રહી છે અને આવતીકાલે નિષ્ણાતોનું માર્ગદર્શન યોજાશે.

જો આપને આ પોસ્ટ ગમી હોય તો શેર કરો...