કેનેડા સરકારે બેકલોગ ઘટાડવા માટે માતા-પિતા દાદા-દાદીની પી.આર. સ્પોન્સરશીપ કરી સ્થગિત

Author: નોબત સમાચાર

કેનેડા સરકારે બેકલોગ ઘટાડવા માટે માતા-પિતા દાદા-દાદીની પી.આર. સ્પોન્સરશીપ કરી સ્થગિત

ઈમિગ્રેશન મંત્રીના નિર્ણયે ચોંકાવ્યા

નવીદિલ્હી તા. ૪: કેનેડાના ઈમિગ્રેશન મંત્રીનો ચોંકાવનારો નિર્ણય લીધો છે, અને માતા-પિતા અને દાદા-દાદીની પીઆર સ્પોન્સરશીપ સ્થગિત કરવામાં આવી છે.

કેનેડાએ હાલના કેસોના બેકલોગનો નિકાલ લાવવા માટે ધ્યાન કેન્દ્રિત કર્યુ છે, જે માટે માતા-પિતા અને દાદા-દાદીની પરમનેન્ટ રેસિડન્સીની સ્પોન્સરશિપ માટેની નવી અરજીઓ સ્વીકારવાનું અસ્થાયી રૂપે અટકાવ્યું છે. કેનેડા ગેઝેટમાં પ્રકાશિત થયેલાં નિર્દેશ મુજબ, ફેમિલી રિ-યુનિયન માટે સરકારની પ્રતિબદ્ધતા દર્શાવે છે કે, તેઓ ગત વર્ષે સબમિટ કરવામાં આવેલી અરજીઓની પ્રક્રિયાને પ્રાથમિકતા આપે છે.

આ મુદ્દે ઈમિગ્રેશન મંત્રી મિલરે આ વિશે જણાવ્યું હતું કે, આ નિર્ણય સરકારના વ્યાપક ઈમિગ્રેશનના લક્ષ્યો સાથે સુસંગત છે. કામગીરીને સુવ્યવસ્થિત કરવા માટે, અન્ય ઈમિગ્રેશન સ્ટ્રીમ્સમાં પણ નવી સ્પોન્સરશિપને અટકાવી છે. તેના ઈમિગ્રેશન સ્તરની યોજનાના ભાગરૂપે, જે આગામી ત્રણ વર્ષમાં એકંદર વપરાશમાં ઘટાડો કરવાનો ટાર્ગેટ થશે.

કેનેડા સરકાર આ વર્ષે ફેમિલી રિ-યુનિયર પ્રોગ્રામથી સબમિટ કરવામાં આવેલી ૧૫ હજાર જેટલી અરજીઓને સ્વીકારવાનું ટાર્ગેટ રાખ્યો છે. આ સિવાય ૨૦૨૪માં ૨૦,૫૦૦ અરજીઓ સ્વીકારવાના લક્ષ્ય સાથે ૩૫,૭૦૦ રેન્ડમ પસંદ કરવામાં આવેલા ઉમેદવારોને પ્રોગ્રામ હેઠળ અરજી કરવા માટે આમંત્રિત કરવામાં આવ્યા હતાં.

મિલર દ્વારા રજૂ કરવામાં આવેલા ઈમિગ્રેશન અંગેના ૨૦૨૪ના વાર્ષિક અહેવાલ મુજબ, ૨૦૨૩ના અંત સુધીમાં ૪૦ હજારથી વધુ માતા-પિતા અને દાદા-દાદીની સ્પોન્સરશીપ અરજીઓ બાકી હતી.

રિપોર્ટમાં એ પણ નોંધવામાં આવ્યું છે કે, આ અરજીઓ માટે સરેરાશ પ્રોસેસિંગ સમય હાલમાં ૨૪ મહિનાનો છે. સરકારના પ્રવકતાના જણાવ્યા અનુસાર, આ વિરામ સરકારને કુટુંબના પુનઃ એકીકરણ માટેની પ્રતિબદ્ધતા જાળવી રાખીને બેકલોગને અસરકારક રીતે સંચાલિત કરવામાં સક્ષમ બનાવશે.

જો આપને આ પોસ્ટ ગમી હોય તો શેર કરો...