Nobat ના બધા ન્યુઝ તમારા નોટીફીકેસન મેળવવા માટે નીચે I Understand ઉપર ક્લિક કરો.
જામનગરમાં બાળ સુરક્ષા એકમ દ્વારા
જામનગર તા. ૪: જીલ્લા બાળક સુરક્ષા એકમ દ્વારા પ્રાથમિક શાળાના આચાર્યશ્રીઓ માટે તાલીમ કાર્યક્રમ યોજાયો હતો.
જામનગર જિલ્લા સમાજ સુરક્ષા અધિકારીના માર્ગદર્શન હેઠળ શ્રી કસ્તુરબા સ્ત્રી વિકાસગૃહ જામનગરના પ્રાર્થના હોલમાં જામનગર તાલુકાની પ્રાથમિક શાળાના આચાર્યશ્રીઓનો એક દિવસીય તાલીમ કાર્યક્રમ યોજવામાં આવ્યો હતો. મહાનુભાવો દ્વારા દીપ પ્રાગટ્ય કરીને કાર્યક્રમની શરૂઆત કરવામાં આવી હતી.
તે પછી ચીફ જ્યુડીશીયલ મેજિસ્ટ્રેટ કોર્ટ રાજકોટના એ.પી.પી આર.એસ. સિંધી દ્વારા જુવેનાઈલ જસ્ટીસ એક્ટ, જુવેનાઈલ જસ્ટીસ રૂલ્સની વિસ્તૃત સમજણ આપવામાં આવી હતી. તેમજ દ્વારકા જિલ્લા બાળ સુરક્ષા અધિકારી પી.એમ. ખેરાળા દ્વારા પોક્સો એક્ટ ૨૦૧૨ની સમજણ આપવામાં આવી હતી. અને જિલ્લા પંચાયત આરોગ્ય વિભાગના ટોબેકો સાઈકોલોજીસ્ટ નજમાબેન હાલા દ્વારા ટોબેકો નિયંત્રણ વિષે માહિતી આપવામાં આવી હતી. જિલ્લા બાળ સુરક્ષા એકમ જામનગરના લીગલ કમ પ્રોબેશન ઓફિસર જ્યોત્સ્નાબેન હરણ દ્વારા બાળ લગ્ન વિષે માહિતી, જિલ્લા બાળ સુરક્ષા અધિકારી જામનગર રણછોડભાઈ જે. શિયાર દ્વારા સમાજ સુરક્ષા તેમજ બાળ સુરક્ષા એકમમાં ચાલતી વિવિધ યોજનાઓ તેમજ દત્તક વિધાન વિશે સમજ આપવામાં આવી હતી.
કાર્યક્રમ દરમિયાન તમામ તાલીમાર્થીઓને નશામુક્ત ભારત અભિયાન કાર્યક્રમની વિસ્તૃત માહિતી આપવામાં આવેલ તેમજ નશો નહિ કરવા અંગેના શપથ લેવડાવવામાં આવ્યા હતા.
આ પ્રસંગે જિલ્લા કાનૂની સેવાસત્તા મંડળના સેક્રેટરી જે.પી.પરમાર, જિલ્લા સમાજ સુરક્ષા અધિકારી ડો.પ્રાર્થનાબેન વી. શેરશીયા, જિલ્લા બાળ સુરક્ષા અધિકારી રણછોડભાઈ જે. શિયાર, તાલુકા પ્રાથમિક શિક્ષણ અધિકારી વજુભાઈ અજુડિયા, શ્રી કસ્તુરબા સ્ત્રી વિકાસગૃહના પ્રમુખ કરશનભાઈ ડાંગર વગેરે ઉપસ્થિત રહેલ હતા.
સમગ્ર કાર્યક્રમમાં જિલ્લા સમાજ સુરક્ષા અધિકારીની કચેરી તેમજ જિલ્લા બાળ સુરક્ષા એકમના કર્મચારીઓએ ભાગ લીધો હતો. તેમ જિલ્લા બાળ સુરક્ષા અધિકારીએ જણાવ્યું છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial