Author: નોબત સમાચાર
ઈન્ડિયન એરફોર્સની સૂર્યકિરણ ટીમનું આગમનઃ જામનગરના આકાશમાં આજે અદ્ભુત દૃશ્યો
સ્વામિનારાયણ ગુરૂકુળમાં વિદ્યાર્થીઓ અને પત્રકારો સાથે સૂર્યકિરણ ટીમે સંવાદ સાધ્યોઃ
પ્રજાસત્તાક પર્વને યાદગાર બનાવવા માટે જામનગરમાં તા. રપ અને તા. ર૬ જાન્યુઆરીના ઈન્ડિયન એરફોર્સની સૂર્યકિરણ એરોબેટીક ટીમ દ્વારા એર શો કરવામાં આવશે. ૯ વિમાનો સાથે પાયલોટની ટીમ જામનગર આવી પહોંચી છે. આ ટીમના પાયલોટ અને કમેન્ટેટર દ્વારા જામનગરમાં સ્વામિનારાયણ ગુરૂકુળના વિદ્યાર્થીઓ તેમજ પત્રકાર મિત્રો સાથે સંવાદ કરવામાં આવ્યો હતો. જેમાં તેઓએ વિદ્યાર્થીઓના પ્રશ્નો, ટીમ સૂર્યકીરણની કામગીરી, એર શો વિશે માહિતી આપી હતી. આજે તા. રપ તથા તા. ર૬ જાન્યુઆરીના બપોરે ર-૧પ વાગ્યાથી એર શો શરૂ થયો. જામનગર ખંભાળિયા હાઈ-વે સ્વામિનારાયણ મંદિરથી આગળ જતા ખૂલ્લા ગ્રાઉન્ડમાં જામનગરવાસીઓને અચંબિત કરી દેનાર એર શો જોવા માટે જિલ્લા વહીવટી તંત્ર દ્વારા વ્યવસ્થા કરવામાં આવી છે. ઉલ્લેખનિય છે કે ૧૯૯૬મા એકસકેએટી ટીમની સ્થાપના કરવામાં આવી હતી. આ ટીમ એશિયામાં એકમાત્ર નવ વિમાનોની ટીમ હોવાનું પ્રતિષ્ઠિત બીરૂદ ધરાવે છે. આજે આ ચુનંદા ટીમ, સ્ટ્રાઈકીંગ રેડ એન્ડ વ્હાઈટ હોક એમકે-૧૩ર જેટ ઊડાશે. જેમાં આ એર શો દરમિયાન આ સાહસિકો લૂપ્સ, રોલ્સ, હેડ-ઓન ક્રોસ, બઝ અને ઈન્વર્ટેડ ફ્લાઈંગ જેવા શ્વાસ થંભાવી દેનારા એરોબેટિક દાવપેચનું પ્રદર્શન કરશે. આ નવ વિમાનો પ મીટર કરતા ઓછા અંતરે ખૂબ જ નજીકથી ઊડાન ભરી શકે છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
