Author: નોબત સમાચાર
સુરજકરાડીમાં વાહન ચાલકે વીજપોલને ટકકર મારતા સર્જાયેલા અંધારપટનું જવાબદાર કોણ?
ધીમી ગતિએ ચાલતા રોડના કામનું પરિણામઃ
સુરજકરાડી તા. ૨૫: સુરજકરાડીમાં હાલ ધીમી ગતિએ ચાલતા રોડના કામના કારણે ફરી એક વખત એક વાહન ચાલક દ્વારા વીજપોલને ટકકર મારતા સુરજકરાડીમાં અંધારપટ સર્જાયો હતો.
આ વિસ્તારમાં વારંવાર બનતા બનાવના કારણે થતી નુકસાની અને પરેશાની માટે જવાબદાર કોણ ? તેવો પ્રશ્ન પુછાઈ રહ્યો છે. દ્વારકા તાલુકાના સુરજકરાડીમાં રોડનું કામ છેલ્લા ઘણાં સમયથી ગોકળગાયની ગતિએ ચાલતું કામ ઘણું બધું સૂચવી રહ્યું છે. આ કામ છેલ્લા કેટલાક સમયથી ચાલતું હોવાના કારણે વેપારીઓ સ્થાનિકો અને આમ પ્રજાને ખૂબ જ મુશ્કેલીનો સામનો કરવો પડી રહ્યો છે. છતાં પણ કોઈપણ સરકારી બાબુઓના પેટના પાણી હલતા નથી અને આ રોડના કામોના કારણે અનેક અકસ્માતો થયા છે જેમાં મૃત્યુ પણ થયા છે અને હાલ દરરોજ નાના-મોટા અકસ્માતો ચાલુ જ છે તો શું સરકાર આ રોડ માટે વહેલી તકે કંઈ પગલાં લેશે ? ઝડપથી આ કામ પૂરૃં કરાવી અને આમ પ્રજાને તેમાંથી આ મુશ્કેલીમાંથી છુટકારો અપાવશે કે નહીં તે હવે આવનારો સમય બતાવશે. ભારત હાઈવે રોડ બનાવવા માટે અગ્રેસર બન્યુ છે, ત્યારે આ વિસ્તારમાં આ સ્થિતિ શા માટે ? તેવા પ્રશ્નો પણ પૂછાઈ રહ્યા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
