Author: નોબત સમાચાર
રોકાણકારોને નવડાવી દેનાર ક્રેડીટ બુલ્સના મહિલા ડાયરેક્ટરના જામીન
જામનગર તા.૨૫ : જામનગરના કેટલાક રોકાણકારોને તગડુ વળતર અને લોભામણી વ્યાજની સ્કીમ બતાવી રૂ.ર૩ કરોડ ઉપરાંતની રકમ મેળવી લઈ રાતો રાત તાળા મારીને ગુમ થઈ ગયેલી પેઢી-ક્રેડીટ બુલ્સના મહિલા પદાધિકારીનો વડી અદાલતમાં જામીન પર છૂટકારો થયો છે.
જામનગરના પંડિત નહેરૂ માર્ગ પર આવેલી ઈમારતમાં કાર્યરત ક્રેડીટ બુલ્સ ઈન્વેસ્ટ. નામની પેઢીમાં કેયુર વિજય ભાઈ નામના આસામી ઉપરાંત અન્ય રોકાણકારોએ લોભામણી વ્યાજની બતાવાયેલી સ્કીમમાં લલચાઈ જઈને રોકાણ કર્યા પછી તે પેઢીને તાળા મારી દેવાયા હતા.
આ બાબતની કેયુરભાઈએ સિટી બી ડિવિઝન પોલીસ સ્ટેશનમાં ફરિયાદ નોંધાવી હતી. પેઢીના મુખ્ય ડાયરેક્ટર ધવલ દિનેશભાઈ સોલાણી, ફરઝાના ઈરફાન શેખ, યશ દિનેશભાઈ સોલાણી, જનરલ મેનેજર પ્રવીણ વડગામા સામે રૂ.૨૩,૦૭,૨૬,૮૦૦ની ઉચાપત અંગે પોલીસે શરૂ કરેલી તપાસમાં પંકજ પ્રવીણ વડગામા, ફરઝાના શેખ સામે ચાર્જશીટ કર્યું હતું.
આરોપી પૈકીના ફરઝાના શેખે જામીનમુક્ત થવા ગુજરાત હાઈકોર્ટમાં અરજી કરી હતી. જેમાં તેણીએ જણાવ્યું હતું કે, તેના પરિવાર અને ખુદ ફરઝાનાએ રૂ.૭૩ લાખનું આ પેઢીમાં રોકાણ કર્યું છે. ધવલ સોલાણી તમામ એકાઉન્ટ પોતાના કંટ્રોલમાં રાખતો હતો અને તે પછી પેઢીને તાળા મારી વિદેશ નાસી ગયો છે. મોટા રોકાણના કારણે ફરઝાનાને હોદ્દો આપવામાં આવ્યો હતો. અદાલતે તે દલીલ ગ્રાહ્ય રાખી આરોપી મહિલાને જામીન પર મુક્ત કરવાનો હુકમ કર્યાે છે. આરોપી તરફથી વકીલ વી.એચ. કનારા, નિશીત આચાર્ય રોકાયા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
