Author: નોબત સમાચાર
કાલાવડના આસામીના ગળામાંથી સોનાનો બે તોલાનો ચેઈન સેરવી મોટર ભગાડી મૂકાઈ
પાછળની સીટમાં બેસાડી સંકડાસમાં લઈ આચર્યું કરતબઃ
જામનગર તા.૨૫ : કાલાવડના એક આસામીને મોટરમાં બેસાડી સંકડાસમાં લઈ પાંચ શખ્સે ગળામાંથી સોનાનો બે તોલાનો ચેઈન સેરવી લીધો હતો. આ આસામીને આગળની સીટમાં આવી જવા કહેવાતા તેઓ નીચે ઉતરતા જ મોટર ભગાડી મૂકવામાં આવી હતી. પોલીસે મોટરમાં રહેલા પાંચેય સામે ગુન્હો નોંધ્યો છે.
કાલાવડ શહેરના વાવડી રોડ પર વસવાટ કરતા મૂળ નવાગામના વતની ખુશાલભાઈ મધુભાઈ અકબરી ગયા સોમવારે બપોરે મછલીવડ ગામ તરફ જવા આઈટીઆઈ પાસે વાહનની રાહ જોઈને ઉભા હતા ત્યારે કીયા કંપનીની કેરેન્સ મોટર તેની પાસે થંભી હતી.
તે મોટરમાં ડ્રાઈવર અને તેની બાજુનો એક શખ્સ ઉપરાંત પાછળની સીટમાં ત્રણ શખ્સ બેઠા હતા. આ શખ્સોએ ખુશાલભાઈને પહેલા ડ્રાઈવરની બાજુમાં બેસાડ્યા પછી પાછળની સીટમાં ટ્રાન્સફર કર્યા હતા જ્યાં સંકડાસમાં લઈ આ શખ્સોએ ખુશાલભાઈના ગળામાંથી બે તોલા વજનનો સોનાનો ચેઈન સેરવ્યો હતો.
તે પછી થોડે દૂર જઈ ફરીથી મોટર ઉભી રાખવામાં આવી હતી અને તેઓને આગળ આવી જવા કહેવાતા ખુશાલભાઈ મોટરમાંથી નીચે ઉતર્યા હતા ત્યારે જ મોટરને ભગાડી મુકવામાં આવી હતી. તેથી વહેમાયેલા ખુશાલભાઈએ ચેક કરતા પોતાના ગળામાં રહેલો ચેઈન જોવા ન મળતા પોલીસનો સંપર્ક કરી ફરિયાદ નોંધાવી છે. પોલીસે પાંચ અજાણ્યા શખ્સ સામે બે તોલા સોનાનો ચેઈન સેરવી જવા અંગે બીએનએસની કલમ ૩૦૩ (ર), ૫૪ હેઠળ ગુન્હો નોંધ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
