અગાઉ થયેલી માથાકૂટનો ખાર રાખી યુવાન પર ચાર શખ્સ દ્વારા કરાયો હલ્લો

Author: નોબત સમાચાર

અગાઉ થયેલી માથાકૂટનો ખાર રાખી યુવાન પર ચાર શખ્સ દ્વારા કરાયો હલ્લો

જોડિયામાં સમજાવટ કરવા ગયેલા યુવાન પર હુમલોઃ

જામનગર તા.૨૫ : જામનગરના વામ્બે આવાસ રોડ પર ગઈરાત્રે એક યુવાનને અગાઉ થયેલી માથાકૂટનો ખાર રાખી ચાર શખ્સે ધોકા-પાઈપ-ફરસીથી માર માર્યાે હતો. જ્યારે જોડિયામાં એક મહિલાએ બે યુવતીને ગાળો ભાંડતા સમજાવવા ગયેલા યુવાન પર પાઈપથી પ્રહાર કરવામાં આવ્યો હતો.

જામનગરની ઈન્દિરા કોલોનીમાં રહેતા મહેશભાઈ ૫ેથાભાઈ વાઘેલાને થોડા દિવસ પહેલાં છોકરી બાબતે રાહુલ ઉર્ફે ઝીણા સાથે માથાકૂટ થઈ હતી. તેનો ખાર રાખી ગઈકાલે રાત્રે વામ્બે આવાસ રોડ પર આંબેડકર બ્રિજ નીચે મહેશભાઈને રોકી લઈ રાહુલ તથા ત્રણ અજાણ્યા શખ્સે ફરસી, ધોકા, પાઈપથી હુમલો કરી માર માર્યાે હતો. ઈજા પામેલા મહેશભાઈને સારવારમાં ખસેડવામાં આવ્યા છે. પોલીસે તેઓની ફરિયાદ પરથી ગુન્હો નોંધી ચારેય આરોપીઓની શોધ આરંભી છે.

જોડિયામાં મફતીયા પ્લોટ વિસ્તારમાં વસવાટ કરતા મુબારક ઈબ્રાહીમ મહુર નામના માછીમારના પત્ની નસરીનબેન તથા ભાભી સારમીનબેન ગુરૂવારે સાંજે બજારમાંથી ઘેર પરત આવતા હતા ત્યારે જીન્નતબેન અનવર રાધાના ઘર પાસેથી નીકળતા જીન્નતબેને કોઈ કારણ વગર નસરીનબેનને ગાળો ભાંડી ઢીકાપાટુથી માર મારી ફડાકા ઝીંક્યા હતા.

આ બાબતે મુબારક મહુર સમજાવવા જતા સમાજના આગેવાનોની હાજરીમાં ચાલુ વાતચીતે રમઝાન અનવર રાધા નામનો શખ્સ ઉશ્કેરાયો હતો અને તેણે પાઈપથી હુમલો કરી મુબારકને માર માર્યાે હતો. જીન્નતબેન તથા રમઝાન સામે ફરિયાદ નોંધાવાઈ છે.

જો આપને આ પોસ્ટ ગમી હોય તો શેર કરો...