Author: નોબત સમાચાર
હાલારમાં શિતલહેરઃ લઘુતમ ૧૪ ડીગ્રી
વાતાવરણમાં ભેજનું પ્રમાણ પ૪ ટકાઃ
જામનગર તા. ૨૫ : શિત લહેરને પગલે જામનગર સહિત સમગ્ર હાલાર પંથકમાં ઠંડીનું જોર વધી જવા પામ્યું છે. તેજીલા વાયરાઓ વચ્ચે છેલ્લા ચોવીસ કલાકમાં ૧.પ ડીગ્રીના ઘટાડા સાથે ન્યુનત્તમ તાપમાન ૧૪ ડીગ્રી નોંધાયું હતું.
ઉત્તર ભારતના પહાડી વિસ્તારો પરથી વાતા હિમ જેવા ઠંડા અને ગતિમાન પવનોના પગલે ગુજરાતમાં ફરી એક વખત ઠંડીમાં વધારો થવાનો પ્રારંભ થયો છે.
જામનગર સહિત સમગ્ર હાલાર પંથકમાં છેલ્લા બે દિવસથી શિતલહેરનો પ્રારંભ થયો છે. જેના પગલે ઠંડીમાં વધારો થયો છે. ખાસ કરીને ગ્રામ્ય વિસ્તારો અને ધોરીમાર્ગો પર વધારે ઠંડી અનુભવાઈ રહી છે. ટાઢોડાના કારણે લોકો ગરમ વસ્ત્રોમાં ઢબુરાયા છે. ઠંડીમાં રાહત મળે તે માટે પ્રજાજનો ગરમ વસ્ત્રો ઉપરાંત કાવા અને ચા સહિતના ગરમ પીણાનો પણ સહારો લઈ રહ્યા છે.
જામનગરમાં શનિવારે સવારે ૮ વાગ્યે પૂરા થતાં ચોવીસ કલાક દરમિયાન પવનની ગતિ પ્રતિકલાકની સરેરાશ ૩૦ થી ૩પ કિ.મી.ની રહેવા પામી હતી. વાતાવરણમાં ભેજનું પ્રમાણ પાંચ ટકા ઘટીને પ૪ ટકા રહ્યું હતું.
નગરમાં ફૂંકાતા તેજીલા વાયરાઓના પગલે ૧.પ ડીગ્રીના ઘટાડા સાથે ન્યુનત્તમ તાપમાન ૧૪ ડીગ્રી નોંધાયું હતું, જ્યારે કોઈ વધારા કે ઘટાડા વગર મહત્તમ તાપમાનનો પારો ર૬.પ ડીગ્રીએ સ્થિર રહ્યો હતો.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
