Author: નોબત સમાચાર
ચકચારી વાહન લોન પ્રકરણના બે આરોપીની રેગ્યુલર જામીન અરજી રદ્દ
આરોપીની આગોતરા જામીન અરજી નામંજૂરઃ
જામનગર તા.રપ : જામનગરના ચકચારી ટ્રક લોન કૌભાંડના આરોપીઓ સામે ચાર મહિના પહેલાં નોંધાવાયેલી ફરિયાદમાં ઓગણીસ આરોપી ની પોલીસે ધરપકડ કરી હતી. તે પૈકીના બે આરોપીએ કરેલી રેગ્યુલેર તથા એક આરોપીએ કરેલી જામીન અરજી અદાલતે નકારી કાઢી છે.
જામનગરના રઝાક સોપારી સહિતના વ્યક્તિઓ ફાયનાન્સ કંપનીઓ પાસેથી લોન પર મેળવવામાં આવેલા વાહનો રાખી લઈ તેના હપ્તા ભરપાઈ ન કરી રીકવરી માટે આવતા કર્મચારીઓને ડરાવી ધમકાવી અને હાથ-પગ ભાંગી નાખવાની ધમકી આપી કાઢી મુકતા હોવાની પોલીસમાં ફરિયાદ થઈ હતી. પોલીસે કુલ ૧૯ શખ્સ સામે નોંધ્યો હતો. ગયા ઓગસ્ટ મહિનામાં થયેલી આ ફરિયાદમાં ધરપકડ શરૂ કરાયા પછી આરોપીઓને જેલહવાલે કરી દેવાયા હતા. જેમાંથી ડાયા કાનાભાઈ મોરી, અરવિંદ એભાભાઈ ડાંગર નામના બે આરોપીએ જામીન મુક્ત થવા અદાલતમાં અરજી કરી હતી. જ્યારે પ્રકાશ જેસીંગ જેઠવા નામના આરોપીએ આગોતરા જામીન મેળવવા અરજી કરી હતી. તે અરજીઓ સામે જિલ્લા સરકારી વકીલ જમન ભંડેરીએ કરેલી દલીલો ગ્રાહ્ય રાખી અદાલતે બે આરોપીની રેગ્યુલર અને એક આરોપીની આગોતરા જામીન અરજી રદ્દ કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
