Author: નોબત સમાચાર
ગુલાબનગરમાં મોડીરાત્રે જામેલા જુગાર પર એલસીબી ત્રાટકીઃ ચાર શખ્સ પકડાયા
જોડિયામાંથી બે વર્લીબાજ મળી આવ્યાઃ
જામનગર તા.રપ : જામનગરના ગુલાબનગર સ્થિત અખાડા ચોકમાં ગઈરાત્રે જાહેરમાં ગંજીપાના વડે જુગાર રમતા ચાર શખ્સને એલસીબી એ પકડી પાડ્યા હતા. એક નાસી ગયો હતો. રોકડ, મોબાઈલ, બાઈક મળી રૂ.પોણા લાખનો મુદ્દામાલ કબજે કરવામાં આવ્યો છે. જોડિયામાંથી બે શખ્સ વર્લીના આંકડા લખતા ઝડપાયા છે.
જામનગરમાં ગુલાબનગર સ્થિત અખાડા ચોકમાં ગઈરાત્રે કેટલાક શખ્સ જુગાર રમતા હોવાની બાતમી એલસીબીના ભરતભાઈ ડાંગર, ધર્મેન્દ્રસિંહ જાડેજાને મળતા રાત્રે બે વાગ્યે પીઆઈ વી.એમ. લગારીયાની સૂચનાથી એલસીબી સ્ટાફે ત્યાં દરોડો પાડ્યો હતો.
આ સ્થળે ગંજીપાના વડે જુગાર રમતા હરેશભાઈ બચુભાઈ ખાણધર, મનસુખ રામજીભાઈ પરેશા, જગદીશ લાલચંદ ભોજવાણી, યુનુસ મામદ આમરોણીયા નામના ચાર શખ્સ મળી આવ્યા હતા. દરોડા પહેલાં મનસુખભાઈ લખમણભાઈ ધમસાણીયા નામનો શખ્સ નાસી ગયો હતો. પટમાંથી એલસીબીએ રૂ.૧૮ હજાર રોકડા, ત્રણ મોબાઈલ, ચાર મોટરસાયકલ મળી કુલ રૂ.૭૩ હજારનો મુદ્દામાલ કબજે કર્યાે છે.
જોડિયામાં બસ સ્ટેન્ડ સામે ગઈકાલે બપોરે જાહેરમાં ઉભા રહી વર્લીના આંકડા લખતા હનીફ દાઉદ સના, વસીમ હૈદરઅલી માણેક નામના બે શખ્સ ઝડપાઈ ગયા હતા. પોલીસે એક બાઈક, ત્રણ મોબાઈલ, રૂ.૩૬૦૦ રોકડા મળી કુલ રૂ.૪૮,૬૦૦નો મુદ્દામાલ કબજે કર્યાે છે. આ શખ્સોએ પોતાની પાસેથી કપાત લેતા રાજકોટના મોઈનનું નામ આપ્યું છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
