Advertisement
Author: નોબત સમાચાર

મોટી વેરાવળ પાસે મોટરે ઠોકર મારતા હડફેટે ચઢેલા વૃદ્ધને થઈ ગંભીર ઈજા

નવ નાલા પાસે બાઈકને રિક્ષાએ મારી ઠોકરઃ

જામનગર તા. ૨૪: જામનગર-સમાણા રોડ પર ગઈકાલે સવારે એક વૃદ્ધને ઈકો મોટરે ઠોકરે મારતા વૃદ્ધને હેમરેજ સહિતની ઈજા થઈ છે. જ્યારે ગુલાબનગર નવ નાલા પાસે ગઈરાત્રે રિક્ષાએ બાઈકચાલકને હડફેટે લીધો છે. હાપા પાસે રાખવામાં આવેલી મોટરને રિવર્સમાં આવતા ટ્રકે ઠોકર મારી નુકસાન સર્જયું છે.

જામનગરના ગુલાબનગર રોડ પર રાજપાર્ક સામે આવેલા મોટી હવેલીના ગૌશાળા વિસ્તારમાં રહેતા ગોવિંદભાઈ ઘેલાભાઈ છાટકા ગઈકાલે રાત્રે ગુલાબનગર નજીક નવનાલા પાસેથી જીજે-૧૨-બીજી ૧૬૬૭ નંબરના બાઈકમાં પસાર થતાં હતા.

દૂધની ડિલિવરી કરીને આવતા આ યુવાનને જીજે-૩૭-યુ ૨ નંબરની રિક્ષાએ ઠોકર મારી પછાડી દેતા ઈજા પામેલા ગોવિંદભાઈને સારવારમાં ખસેડવામાં આવ્યા છે. તેઓએ રિક્ષાચાલક સામે પોલીસમાં ફરિયાદ નોંધાવી છે.

જામનગરના રણજીત સાગર રોડ પર પટેલ પાર્કની શેરી નં.૯માં રહેતા સખલાલ ગઢીયા નામના લોહાણા વૃદ્ધ ગઈકાલે સવારે જામનગર-સમાણા રોડ પર આવેલા મોટી વેરાવળ ગામના મેઈન રોડ પરથી પસાર થતા હતા ત્યારે જીજે-૧૦-ડીઆર ૨૬૩૦ નંબરની ઈકો મોટર પુરપાટ ઝડપે ધસી આવી હતી. તેના ચાલકે સખલાલને ઠોકર મારતા રોડ પર પછડાયેલા આ વૃદ્ધને હેમરેજ સહિતની ઈજા થઈ છે. મોટરચાલક સામે સખલાલના પુત્ર નિતેશભાઈએ લાલપુર પોલીસમાં ફરિયાદ કરી છે.

જામનગરના મેહુલનગર વિસ્તારમાં વસવાટ કરતા મૂળ વાંકિયા ગામના પ્રિન્સ સંજયભાઈ ભાલોડીયાએ ગઈ તા.૧રની બપોરે હાપા પાસે આવેલા બાઈકના એક શોરૂમ નજીક પોતાની જીજે-૧૦-ઈસી ૮૦૮૧ નંબરની વરના મોટર પાર્ક કરી હતી. ત્યાં જીજે-૧૦-ટીએક્સ ૨૯૮૬ નંબરનો ટ્રક રિવર્સમાં આવતા પ્રિન્સ ભાલોડીયાની મોટર સાથે અકસ્માત સર્જાયો હતો. જેમાં રૂપિયા પચ્ચાસેક હજારનું મોટર માં નુકસાન થયું છે. ટ્રકચાલક સામે પંચકોશી એ ડિવિઝન પોલીસ સ્ટેશનમાં ફરિયાદ નોંધાવવામાં આવી છે.

 

જો આપને  પોસ્ટ ગમી હોય તો શેર કરો...

Follow us:   પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

 

Social Media

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

 

વિડિયો માટે અમારી યુ-ટ્યૂબ ચેનલને સબસ્ક્રાઈબ કરો

https://youtube.com/@Nobatofficial



Advertisement

અન્ય સમાચારો

Advertisement
close
Ank Bandh