Nobat ના બધા ન્યુઝ તમારા નોટીફીકેસન મેળવવા માટે નીચે I Understand ઉપર ક્લિક કરો.
પાણી વાળવાની બાબતે બેડમાં વૃદ્ધ પર હુમલોઃ
જામનગર તા. ૨૪: જામનગર-ખંભાળિયા ધોરીમાર્ગ પર બેડ ગામમાં પોતાના ખેતરે કેનાલમાં વહેતું પાણી એક વૃદ્ધે બંધ કરી ખાડા તરફ વાળતા દંપતી તથા તેના પુત્રએ લાકડી વડે હુમલો કરી તે વૃદ્ધને માર માર્યાે હતો. જ્યારે મુદ્દલ જેટલું વ્યાજ ચૂકવી આપ્યા પછી પણ એક યુવાનને બે શખ્સે માર મારવા ઉપરાંત તેના માતા, પિતાને પણ ધોકાવતા પોલીસમાં ફરિયાદ કરવામાં આવી છે.
જામનગર-ખંભાળિયા માર્ગ પર આવેલા બેડ ગામ પાસે ગૌશાળા વિસ્તારમાં રહેતા હરીભાઈ સોનગરા નામના વૃદ્ધ રવિવારે રાત્રે પોતાના ખેતરે ગયા હતા. ત્યારે કેનાલમાં પાણી વહેતું કરવામાં આવ્યું હતું. તેઓએ પાણી બંધ કરી ત્યાં આવેલા ખાડા તરફ તે પાણીને વાળ્યું હતું.
આ વેળાએ ત્યાં ધસી આવેલા જીતેન્દ્ર કટેશીયા, તેના પત્ની કસ્તુરબેન તથા પુત્ર ભગવાનજીએ ગાળો ભાંડી પાણી ખાડા તરફ કેમ વાળ્યું તેમ કહી લાકડીથી હુમલો કરી હરીભાઈને માર માર્યાે હતો. તેમના પુત્ર જગદીશભાઈએ સિક્કા પોલીસ સ્ટેશનમાં હુમલા ખોર દંપતી તથા તેના પુત્ર સામે ફરિયાદ નોંધાવી છે.
જામનગરના રણજીત સાગર રોડ પર આવેલી સાધના કોલોનીમાં પહેલા ગેઈટ પાસે રહેતા ભરતભાઈ હસમુખભાઈ રાયઠઠ્ઠાએ અગાઉ જાડેજા મહાવીરસિંહ દેવાજી પાસેથી રૂ.૩૦ હજાર હાથઉછીના લીધા હતા. તેનંુ ૧૦ ટકા લેખે નક્કી થયેલું વ્યાજ ગણી રૂ. ૩૦ હજાર ચૂકવી આપ્યા હોવા છતા વધુ રૂ.૩૦ હજારની માગણી કરાતી હતી.
તે દરમિયાન શનિવારે મયુર ગ્રીન્સ સોસાયટીમાં મહાવીરસિંહ દેવાજી, મયુરસિંહ નામના શખ્સોએ ભરતભાઈને ઢીકાપાટુથી માર મારવા ઉપરાંત તેના પિતા સાથે ઝપાઝપી કરી હતી અને માતાને ગાળો ભાંડી તેમનો હાથ મચકોળી નાખ્યો હતો. સિટી એ ડિવિઝન પોલીસ સ્ટેશનમાં ભરતભાઈએ ફરિયાદ નોંધાવી છે. પોલીસે બીએનએસ તથા મની લેન્ડર્સ એક્ટ હેઠળ ગુન્હો નોંધ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial