Author: નોબત સમાચાર
પૈસાની લેતીદેતી મામલે થયેલી હત્યાના ગુન્હામાં એક આરોપીનો થયો છૂટકારો
સવા છ વર્ષ પહેલાં બર્ધનચોક પાસે રાત્રે થઈ હતી હત્યાઃ
જામનગર તા.ર૪ : જામનગરના બર્ધનચોક વિસ્તારમાં પૈસાની લેતીદેતીના મામલે છ વર્ષ પહેલાં એક યુવાન પર છરીના ઘા ઝીંકાયા હતા. આ યુવાનનું મૃત્યુ નિપજ્યું હતું. પોલીસે બે શખ્સ સામે ગુન્હો નોંધ્યો હતો. તેમાંથી એક આરોપીનો કોર્ટે છૂટકારો ફરમાવ્યો છે.
જામનગરના બર્ધનચોક વિસ્તારમાં ગઈ તા.૧૨-૯-૧૮ ની રાત્રિએ પસાર થતા રફીક મહંમદ માડકીયા નામના યુવાન પર નઝીર ઉર્ફે ગંધાબાપુને પૈસા લેતીદેતી બાબતે બોલાચાલી થયા પછી નઝીર તથા અઝરૂદ્દીન નવાઝઅલી મણીયાર નામના બે શખ્સે હુમલો કર્યાે હતો.
રફીકને પકડી રાખવામાં આવ્યો હતો અને નઝીરે છરીના ઘા ઝીંકી દીધા હતા. તે પછી બંને શખ્સ નાસી ગયા હતા. રફીકને ત્યાંથી નીકળેલા સોયબ નામના આસામીએ સારવારમાં ખસેડ્યો હતો. રફીકનું મૃત્યુ નિપજતા બનાવ હત્યામાં પલટાયો હતો. પોલીસે મૃતકના ભાઈ યુસુફ માડકીયાની ફરિયાદ પરથી ગુન્હો નોંધ્યો હતો.
તે કેસ ચાલી જતાં આરોપી પૈકીના અઝરૂદ્દીન મણીયારના વકીલે કરેલી દલીલો ગ્રાહ્ય રાખી અદાલતે આરોપી અઝરૂદ્દીનનો છૂટકારો ફરમાવ્યો છે. આરોપી તરફથી વકીલ કેતન આશર, બી.એચ. જાડેજા, હાર્દિક ચાવડા, ચેતન રાઠોડ રોકાયા હતા.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
