Author: નોબત સમાચાર
રબારીકાના ઓઈલ મીલ સંચાલકને વીજ ચોરીના સંદર્ભમાં ૧ કરોડ ૭૧ લાખનો દંડ
ત્રણ વર્ષની જેલની સજા અને ત્રણ ગણો દંડનો હુકમઃ
જામનગર તા. ૨૪: જામજોધપુરના રબારીકા ગામમાં આવેલી એક ઓઈલ મીલમાં પાંચ વર્ષ પહેલાં વીજ ચેકીંગ ટૂકડીએ રૂ.પ૭ લાખની વીજચોરી પકડી પાડી હતી. તે કેસ ચાલી જતાં અદાલતે ઓઈલ મીલ સંચાલકને વીજચોરીની ત્રણ ગણી રકમનો દંડ ફટકાર્યાે છે અને ત્રણ વર્ષની કેદની સજાનો હુકમ કર્યાે છે.
જામજોધપુર તાલુકાના રબારીકા ગામમાં ઓઈલ મીલ ચલાવતા રાકેશ માલદેભાઈ કરમુરને ત્યાં વર્ષ ૨૦૧૯માં વીજ કંપનીની ટૂકડીએ વીજ ચેકીંગ હાથ ધરતા ત્યાંથી વીજ ચોરી ઝડપાઈ જવા પામી હતી.
આ ઓઈલ મીલમાં લંગર નાખી સીધુ વીજજોડાણ મેળવી લઈ રાત્રિના સમયે મીલને ચલાવાતી હોવાનું બહાર આવ્યું હતું. વીજ કંપની દ્વારા રૂ.૫૭ લાખનું બીલ આપ્યું હતું. સાથે રહેલી પોલીસ ટીમે પંચનામુ કરી ત્યાંથી વીજચોરી કરવા માટે રખાયેલો સામાન કબજે કરી લીધો હતો અને મીલના સંચાલક રાકેશ કરમુર સામે ગુન્હો નોંધ્યો હતો.
ઉપરોક્ત કેસ જામનગરની સેશન્સ કોર્ટમાં ચાલી જતાં અદાલતે રાકેશ કરમુરને તક્સીરવાન ઠરાવી તેને અદાલતે વીજચોરીની રકમનો ત્રણ ગણો દંડ લેખે રૂ.૧ કરોડ ૭૧ લાખ દંડ પેટે ભરપાઈ કરવા અને ત્રણ વર્ષ માટે જેલમાં ધકેલી દેવાનો હુકમ કર્યાે છે. સજાના હુકમ પછી ઓઈલ મીલ સંચાલકે રૂ.૧૦ લાખ ભરપાઈ કરવાની તૈયારી દર્શાવી જામીન માંગ્યા હતા. અદાલતે મૂળ વીજચોરીની રકમ રૂ.૫૭ લાખ ભરપાઈ કર્યા પછી જામીન માટે વિચારણાનો હુકમ કરતા અને તે રકમ મીલ સંચાલક ભરપાઈ ન કરી શકતા તેઓએ જેલમાં મોકલી દેવામાં આવ્યા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
