Author: નોબત સમાચાર
ચઢત હપ્તા ચૂકવવા બેંકને આપેલો ચેક પરત ફર્યાના કેસમાં આરોપીને થઈ સજા
બે વર્ષની કેદ અને ચેકની રકમ મુજબનો દંડઃ
જામનગર તા. ૨૪: જામનગરના એક આસામીએ ખાનગી બેંક પાસેથી લોન મેળવી તેની પરત ચૂકવણી ન કરતા બેંક દ્વારા ચઢત રકમનો ચેક મેળવાયો હતો. તે ચેક બેંકમાંથી પરત ફરતા કોર્ટમાં ફરિયાદ કરાઈ હતી. તે કેસ ચાલી જતાં અદાલતે આરોપીને તક્સીરવાન ઠરાવી બે વર્ષની કેદ અને ચેકની રકમ મુજબનો દંડ ફટકાર્યાે છે.
જામનગરના રણજીત સાગર રોડ પર આવેલા બાઈની વાડી વિસ્તારમાં વસવાટ કરતા અને સેન્ટીંગનું કામ કરતા મોહનભાઈ રામજીભાઈ રાઠોડે રૂ.ર લાખ ૬૦ હજારની આઈડીબીઆઈ બેંક પાસેથી લોન મેળવી હતી.
લોનની પરત ચૂકવણી માટે ૬૦ હપ્તા નક્કી કરવામાં આવ્યા હતા. તે હપ્તા નિયમિત રીતે ભરપાઈ કરવામાં ન આવતા તેની રકમ ચઢત થઈ હતી અને તેની ચૂકવણી માટે રૂ.૧,૩૧,૮૭૮નો ચેક આપવામાં આવ્યો હતો. તે ચેક બેંકમાંથી પરત ફરતા બેંક દ્વારા કોર્ટમાં ફરિયાદ કરાઈ હતી.
તે કેસ ચાલી જતાં અદાલતે આરોપી મોહનભાઈ રામજીભાઈ રાઠોડને તક્સીરવાન ઠરાવી બે વર્ષની કેદની સજા અને ચેકની રકમ મુજબનો દંડ ફટકાર્યાે છે. દંડ ભરવામાં ન આવે તો વધુ ચાર મહિનાની સજા આપવામાં આવી છે. બેંક તરફથી વકીલ ગૌરવ પંડયા રોકાયા હતા.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
