Author: નોબત સમાચાર
ગ્રેઈન માર્કેટમાં ઉભરાતી ગટરથી અસહ્ય દુર્ગંધઃ વેપારીઓ અને ગ્રાહકોને ભારે હાલાકી
નિયમિત અને યોગ્ય સફાઈની લોક માંગ ઊઠીઃ
જામનગરની ગ્રેઈન માર્કેટ ખાદ્ય વસ્તુઓના ખરીદ-વેંચાણનું મહત્ત્વનું સ્થળ છે. જેના પગલે વિવિધ વસ્તુઓના લોડીંગ-અનલોડીંગ માટે ભારે વાહનો તથા જથ્થાબંધ રીતે છૂટક વસ્તુ મેળવવા માટે નાના વેપારીઓ અને ગ્રાહકોનો ધસારો અવિરત રહે છે. ખરીદ-વેંચાણના વર્ષો જુના મહત્ત્વના સ્થળ એવા ગ્રેઈન માર્કેટમાં દાણાપીઠમાં આવેલા જાહેર શૌચાલયની સફાઈ નિયમિત અને યોગ્ય રીતે કરવામાં આવતી નથી. આ ઉપરાંત દાણાપીઠમાં જાહેર શૌચાલય પાસે ગટર અવારનવાર ઉભરાવાની સમસ્યા યથાવત્ રહી છે. ગટરનું ગંદુ પાણી અને માર્ગો પર ફેલાયેલા કચરાના પગલે ખૂબ જ દુર્ગંધ આવતી હોવાથી વેપારીઓ તથા ગ્રાહકોને ભારે હાલાકીનો સામનો કરવો પડી રહ્યો છે. વડાપ્રધાન નરેન્દ્ર મોદી, સમગ્ર દેશમાં સફાઈ અભિયાન ચલાવી રહ્યા છે અને બીજી તરફ જામનગરનું સરકારી નિંભર તંત્ર સફાઈ બાબતે ઉદાસીનતા સેવી રહ્યું છે. ગ્રેઈન માર્કેટ (દાણપીઠ) ના માર્ગ પર ફેલાયેલા કચરા અને દુર્ગંધ મારતા ગટરના પાણીથી વેપારીઓ અને ગ્રાહકો ત્રાહિમામ્ પોકારી ઊઠ્યા છે, ત્યારે તાકીદની અસરથી ગટર ઉભરાવાની સમસ્યાનો કાયમી ઉકેલ લાવવા તથા નિયમિત અને યોગ્ય રીતે સફાઈ કરવા માટે તંત્ર સમક્ષ લોકમાંગ ઊઠવા પામી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
