જામનગરમાં ખંભાળીયા ગેઈટ પાસે મેયર વિનોદભાઈ ખીમસૂર્યાએ તિરંગો લહેરાવીને આપી સલામી

Author: નોબત સમાચાર

જામનગરમાં ખંભાળીયા ગેઈટ પાસે મેયર વિનોદભાઈ ખીમસૂર્યાએ તિરંગો લહેરાવીને આપી સલામી

મહાનુભાવો-ઉચ્ચઅધિકારીઓ ઉપસ્થિતઃ બાળકોએ રજૂ કર્યો સાંસ્કૃતિક કાર્યક્રમઃ

આજે દેશભરમાં ૭પ મા પ્રજાસત્તાક પર્વની ઉજવણી કરવામાં આવી રહી છે, જ્યારે જામનગર મહાનગરપાલિકા દ્વારા યોજાયેલા ધ્વજવંદન કાર્યક્રમમાં મેયરના હસ્તે રાષ્ટ્ર ધ્વજ લહેરાવી સલામી આપવામાં આવી હતી. જામનગરના ખંભાળિયા નાકા પાસે આજે સવારે જામનગર મહાનગરપાલિકા દ્વાર ધ્વજવંદન કાર્યક્રમનું આયોજન કરવામાં આવ્યું હતું, અને મેયર વિનોદ ખીમસૂર્યાએ રાષ્ટ્ર ધ્વજ લહેરાવી સલામી આપી હતી. પ્રાસંગિક પ્રવચનમાં મેયરએ જણાવ્યું હતું કે, જામનગર શહેરનો ચોતરફ વિકાસ થઈ રહ્યો છે. વિકાસમાં અનેક વિધ કાર્યો થઈ રહ્યા છે. તેમણે નગરજનોને પ્રજાસત્તાક પર્વની શુભેચ્છા આપી હતી. આજના આ ધ્વજવંદનના કાર્યક્રમમાં ધારાસભ્ય દિવ્યેશભાઈ અકબરી અને ડે. મેયર ક્રિષ્નાબેન સોઢા, સ્ટેન્ડીંગ કમિટીના ચેરમેન નિલેષ કગથરા, દંડક કેતન નાખવા, શિક્ષણ સમિતિના ચેરમેન મનિષ કનખરા, સ્ટેન્ડીંગ કમિટીના પૂર્વ ચેરમેન અને કોર્પોરેટર સુભાષ જોષી, કોર્પોરેટરો, મ્યુનિ. કમિશનર ડી.એન. મોદી, નાયબ કમિશનર વાય.ડી. ગોહિલ, સિટી ઈજનેર ભાવેશ જાની, ચિફ ફાયર ઓફિસર કે.કે. બિશ્નોઈ, મહાનગર પાલિકાના અધિકારીઓ, કર્મચારીઓ, નગરજનો બહોળી સંખ્યામાં ઉપસ્થિત રહ્યા હતાં. આ પર્વ પ્રસંગે બાળકોએ સાંસ્કૃતિક કાર્યક્રમો રજૂ કર્યા હતાં.

જો આપને આ પોસ્ટ ગમી હોય તો શેર કરો...