ગુજરાતના ડો. તેજસભાઈ પટેલને તબીબી ક્ષેત્રે 'પદ્મભૂષણ' પુરસ્કારઃ અન્ય પાંચને 'પદ્મશ્રી' અપાશે

Author: નોબત સમાચાર

ગુજરાતના ડો. તેજસભાઈ પટેલને તબીબી ક્ષેત્રે 'પદ્મભૂષણ' પુરસ્કારઃ અન્ય પાંચને 'પદ્મશ્રી' અપાશે

પ્રજાસત્તાક પર્વની પૂર્વ સંધ્યાએ થઈ જાહેરાતઃ

અમદાવાદ તા. ર૬ઃ ગઈકાલે થયેલી જાહેરાત મુજબ ગુજરાતના ૬ લોકોને પદ્મ પુરસ્કારો મળશે, જેમાં ડો. તેજસ પટેલને તબીબી ક્ષેત્રે પદ્મભૂષણ અને અન્ય વિવિધ ક્ષેત્રના પાંચ વ્યક્તિવિશેષોને પદ્મશ્રી પુરસ્કારો મળશે. પ્રજાસત્તાક પર્વની પૂર્વ સંધ્યાએ પદ્મ પુરસ્કારો આપવાને લઈ નામોની જાહેરાત કરાઈ છે, જેમાં વિવિધ ક્ષેત્રમાં મહત્ત્વપૂર્ણ યોગદાન આપનાર વ્યક્તિઓના નામ સામેલ છે. આ વર્ષે ૧૩ર હસ્તીઓને પદ્મ એવોર્ડ આપવાનો નિર્ણય લેવામાં આવ્યો છે, જેમાં પ લોકોને પદ્મવિભૂષણ અને ૧૭ લોકોને પદ્મભૂષણ આપવાનો નિર્ણય લેવાયો છે.

ગુજરાતના પદ્મશ્રી ડો. તેજસભાઈ પટેલ પોતે એક જાણીતા કાર્ડિલોજિસ્ટ છે અને તે પદ્મશ્રીનું સન્માન મેળવી ચૂક્યા છે. તેમને પદ્મભૂષણ પુરસ્કાર આપવામાં આવશે.

ગુજરાતના જાણીતા ડોક્ટર તેજસ પટેલ, મિથુન ચક્રવર્તી, રામ, ઉષા ઉથુપ સહિત ૧૭ ને પદ્મભૂષણ એનાયત થશે. આ ઉપરાંત સૌરાષ્ટ્ર ટ્રસ્ટના સીઈઓ કુંદન વ્યાસને પણ પદ્મવિભૂષણ ખિતાબ એનાયત થશે.

ગુજરાતના ડો. તેજસભાઈ પટેલને તબીબી ક્ષેત્રે પદ્મભૂષણ પુરસ્કાર આપવામાં આવશે, જ્યારે રઘુવીર ચૌધરીને સાહિત્ય અને શિક્ષણ ક્ષેત્રે પદ્મશ્રી, ડો. યઝદી માણેકશા ઈટાલિયાને તબીબી ક્ષેત્રે પદ્મશ્રી, હરિશ નાયકને સાહિત્ય અને શિક્ષણ ક્ષેત્રે પદ્મશ્રી, દયાલ માવજીભાઈ પરમારને તબીબી ક્ષેત્રે પદ્મશ્રી અને ડો. જગદીશ ત્રિવેદીને કલાક્ષેત્રે પદ્મશ્રી આપવામાં આવશે.

જો આપને આ પોસ્ટ ગમી હોય તો શેર કરો...