Author: નોબત સમાચાર
ચેક પરતના કેસમાં સજા થયા પછી નાસી ગયેલા આરોપીની સુરતથી અટકાયત
અપીલમાં પણ સજાનો હુકમ રહ્યો હતો યથાવતઃ
જામનગર તા. ૨૩: જામનગરના એક આસામીએ ચેક પરતની સુરતના આસામી સામે કરેલી ફરિયાદમાં અદાલતે દંડ તથા સજાનો હુકમ કર્યાે હતો. તે હુકમ સામે કરાયેલી અપીલમાં પણ નીચેની કોર્ટનો હુકમ યથાવત રહ્યો હતો. તે પછી નાસતા ફરતા રહેલા આરોપીને સુરતમાંથી પકડી લઈ પોલીસે જેલમાં મોકલી આપ્યો છે.
જામનગરના ધીરજભાઈ પોપટભાઈ રામાણી પાસેથી રૂ.૧૨ લાખ સુરતના મુકેશભાઈ પરસોત્તમ નારીયાએ કેટલાક સમય પહેલા હાથઉછીના લઈ જામનગરની બેંકનો ચેક આપ્યો હતો. તે ચેક ધીરજભાઈએ પોતાના બેંક ખાતામાં જમા કરાવતા અપુરતા નાણા ભંડોળના શેરા સાથે પરત ફર્યાે હતો.
આ બાબતની નોટીસ પાઠવ્યા પછી પણ મુકેશભાઈએ ચેક મુજબની રકમ નહીં ચુકવતા ધીરજભાઈ રામાણીએ કોર્ટમાં નેગો. ઈન્સ્ટ્ર. એક્ટની કલમ ૧૩૮ હેઠળ ફરિયાદ નોંધાવી હતી. અદાલતે આરોપીને તકસીરવાન ઠરાવી છ મહિનાની કેદ અને રૂ.૮ લાખ વળતર પેટે ચૂકવી આપવાનો હુકમ કર્યાે હતો.
તે હુકમ સામે આરોપીએ સેશન્સ કોર્ટમાં અપીલ નોંધાવી હતી. તે અપીલ અન્વયે ફરિયાદ પક્ષના વકીલે કરેલી દલીલો ગ્રાહ્ય રાખી અદાલતે નીચેની કોર્ટનો હુકમ યથાવત રાખ્યો હતો અને આરોપીને સાત દિવસમાં હાજર થઈ જવા હુકમ કર્યાે હતો. તેમ છતાં આરોપી હાજર થયો ન હતો અને નાસતો ફરતો હતો. ઉપરોક્ત આરોપીને સજા વોરંટના આધારે પોલીસે સુરતમાંથી દબોચી લીધો છે. ફરિયાદ પક્ષ તરફથી વકીલ નાથાલાલ ઘાડીયા, પરેશ સભાયા, હીરેન સોનગરા, રાકેશ સભાયા, ગજેન્દ્રસિંહ ઝાલા, નૈમિષ ઉમરેટીયા રોકાયા હતા.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
