Author: નોબત સમાચાર
સુવરડા ગામની સીમમાં ક્રેશ થયેલા પ્લેનનો ચોમેર વિખરાયો કાટમાળઃ તંત્રવાહકો દોડ્યા
જામનગર-કાલાવડ રોડ પર ગઈકાલે રાત્રે
જામનગર-કાલાવડ રોડ પર સુવરડા ગામની સીમમાં ગઈરાત્રે સાડા નવેક વાગ્યે જામનગર એરફોર્સનું જગુઆર ફાઈટર પ્લેન તકનિકી ક્ષતિના કારણે તૂટી પડ્યું હતું. તે પ્લેનને માનવ વસ્તીથી દૂર લઈ જવાના પાયલોટ તથા કો પાયલોટના પ્રયત્નોના કારણે મોટી જાનહાની ટળી હતી અને સુવરડાની સીમમાં તે પ્લેન અગનગોળો બની તૂટી પડ્યું હતું. આ બનાવમાં એક પાયલોટ શહીદ થયા હતા અને બીજા પાયલોટને ગંભીર ઈજા થઈ છે. બનાવની જાણ થતાં કલેક્ટર, એસપી સહિતના અધિકારીઓ અને એરફોર્સના અધિકારીઓ દોડી આવ્યા હતા. સવાર સુધી ત્યાં કામગીરી કરવામાં આવી હતી. તે દરમિયાન ભભૂકી રહેલી આગ પર ફાયરબ્રિગેડની ટીમે પાણીનો મારો ચલાવી કામગીરી બજાવી હતી. આ પ્લેન બનાવના સ્થળથી હજુ દૂર લઈ જવાના બંને પાયલોટના જીવ સટોસટના પ્રયત્નો સફળ રહ્યા હતા અને નિર્જન સ્થળે તે પ્લેન ક્રેશ થતાં ભારે જાનમાલની નુકસાની અટકાવી શકાઈ હતી. પ્લેન ક્રેશ થયાની જાણ થતાં સુવરડા ગામના લોકો તેમજ આજુબાજુના ગ્રામ્ય પંથકના લોકો પણ દોડી આવ્યા હતા. અંધારામાં પ્લેનના કાટમાળને શોધવા તેમજ શહીદ થયેલા પાયલોટના દેહને શોધવા ભારે જહેમત ઉઠાવાઈ હતી. આ પ્લેન આકાશમાં જ અગનગોળામાં ફેરવાયું તે દૃશ્ય સુરવડાની સીમમાં બેસેલા કેટલાક લોકોએ જોયા પછી ગણતરીની સેકન્ડોમાં તે પ્લેન ક્રેશ થઈ ગયું હતું. (તસ્વીરઃ નિર્મલ કારીયા,પરેશ ફલીયા)
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
 (25)_copy_800x455~2.jpeg)
 (15)_copy_800x441~3.jpeg)
