જી.જી. હોસ્પિટલના પટાંગણમાંથી બેભાન હાલતમાં મળેલા અજાણ્યા પ્રૌઢનું થયું મૃત્યુ

Author: નોબત સમાચાર

જી.જી. હોસ્પિટલના પટાંગણમાંથી બેભાન હાલતમાં મળેલા અજાણ્યા પ્રૌઢનું થયું મૃત્યુ

છાતીમાં દુખાવો ઉપડતા મોવાણના વૃદ્ધનું મોતઃ

જામનગર તા.૩ : જામનગરની જી.જી. હોસ્પિટલ નજીક આવેલા શૌચાલય પાસે ઝાડ નીચેથી મંગળવારે રાત્રે પચ્ચાસેક વર્ષના અજાણ્યા પ્રૌઢ બેભાન જેવી હાલતમાં મળી આવ્યા પછી સારવારમાં ખસેડાયા હતા. તેઓનંુ મૃત્યુ નિપજ્યું છે. મૃતકની ઓળખ મેળવવા તપાસ હાથ ધરાઈ છે. ખંભાળિયાના મોવાણ ગામના એક વૃદ્ધનું છાતીમાં દુખાવો ઉપડતા મૃત્યુ થયું છે.

જામનગરની જી.જી. હોસ્પિટલના પટાંગણમાં આવેલા શૌચાલય પાસે એક ઝાડ નીચેથી મંગળવારે રાત્રે પચ્ચાસેક વર્ષના એક અજાણ્યા પ્રૌઢ બેભાન જેવી હાલતમાં મળી આવ્યા હતા.

આ પ્રૌઢને સારવાર માટે નવાગામ ઘેડના નાઘેરવાસમાં રહેતા મનજીભાઈ નારણભાઈ પરમારે ખસેડવાની તજવીજ કરી હતી. દોડી આવેલી ૧૦૮ સ્ટાફે આ યુવાનને ચકાસ્યા પછી મૃત્યુ પામેલા જાહેર કર્યા હતા. પોલીસને તેની જાણ કરાતા પીએસઆઈ બી.એલ. ઝાલાએ મૃતદેહને પી.એમ. માટે ખસેડી મનજીભાઈનું નિવેદન નોંધ્યું છે અને મૃતકની ઓળખ મેળવવા તપાસ શરૂ કરી છે.

ખંભાળિયા તાલુકાના મોવાણ ગામમાં રહેતા અને પીડબલ્યુડીમાં નોકરી કરતા છગનભાઈ પ્રેમજીભાઈ અસ્વાર (ઉ.વ.૬૦) નામના વૃદ્ધને રવિવારે સાંજે છાતીમાં દુખાવો ઉપડતા સારવાર માટે નગરની જી.જી. હોસ્પિટલમાં ખસેડાયા હતા. જ્યાં તેઓનું ગઈકાલે મૃત્યુ નિપજ્યું છે. તેમના પુત્ર શ્યામ અસ્વારે પોલીસને જાણ કરી છે.

જો આપને આ પોસ્ટ ગમી હોય તો શેર કરો...