Nobat ના બધા ન્યુઝ તમારા નોટીફીકેસન મેળવવા માટે નીચે I Understand ઉપર ક્લિક કરો.
રિક્ષામાં બેસી જુગાર રમતા બે શખ્સની ધરપકડઃ
જામનગર તા.૩ : જોડીયા તાલુકાના બાલંભા ગામમાં ગઈરાત્રે જાહેરમાં ગંજીપાના વડે જુગાર રમી રહેલા પાંચ શખ્સને પોલીસે પકડી પાડ્યા હતા. પટમાંથી રોકડ, ત્રણ બાઈક, મોબાઈલ મળી રૂ.૧ લાખ ઉપરાંતનો મુદ્દામાલ કબજે કરાયો હતો. પંપહાઉસ પાસે રિક્ષામાં બેસી જુગાર રમતા બેની પોલીસે ધરપકડ કરી હતી.
જોડીયા તાલુકાના બાલંભા ગામની સીમમાં ગઈરાત્રે જુગાર રમાતો હોવાની બાતમી પરથી જોડીયા પોલીસ સ્ટેશનના સ્ટાફે પીઆઈ આર.એસ. રાજપૂતના વડપણ હેઠળ સ્ટાફે દરોડો પાડ્યો હતો.
ત્યાં આવેલી સીમના ઝુંડીયુ વિસ્તારમાં ખેતર નજીકના સરકારી ખરાબામાં ગંજીપાના વડે જુગાર રમતા દેવશીભાઈ ગીગાભાઈ ઠુંગા, હસમુખભાઈ તરશીભાઈ પરમાર, દિલીપભાઈ વસંતભાઈ મેંદપરા, શબ્બીરહુસેન ફારૂક મીયા, સંજય હંસરાજભાઈ રાઠોડ નામના પાંચ શખ્સ મળી આવ્યા હતા. પટમાંથી રૂ.૧૪૬૫૦ રોકડા, ત્રણ મોબાઈલ, ત્રણ બાઈક મળી કુલ રૂ.૧૦૩૬૫૦નો મુદ્દામાલ કબજે કરાયો છે.
જામનગરના રણજીત સાગર રોડ પર આવેલા પંપ હાઉસ નજીક એક રિક્ષામાં બેસી ગઈકાલે સાંજે ચલણી નોટના નંબર પર એકીબેકી બોલી જુગાર રમતા જીતેન ભીખાભાઈ માનસુરા, ભરત હસમુખભાઈ રાયઠઠ્ઠા નામના બે શખ્સને પોલીસે પકડી પાડ્યા હતા. બે મોબાઈલ, રૂ.૧૦૯૦૦ રોકડા, જીજે-૩૬-યુ ૨૨૮૦ નંબરની રિક્ષા મળી કુલ રૂ.૭૮૯૦૦નો મુદ્દામાલ પોલીસે કબજે કરી બંને સામે જુગારધારાની કલમ ૧૨ હેઠળ ગુન્હો નોંધ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial