Nobat ના બધા ન્યુઝ તમારા નોટીફીકેસન મેળવવા માટે નીચે I Understand ઉપર ક્લિક કરો.
બંને પક્ષના છને ઈજાઃ પંદર સામે નોંધાયો ગુન્હોઃ
જામનગર તા.૩ : જામનગર ના મોરકંડ રોડ પર આવેલા રબાની પાર્કમાં ઘરમાં ધુમાડો જવાના પ્રશ્ને મંગળવારે બપોરે બે પાડોશી વચ્ચે છૂટા હાથની મારામારી થતાં છ વ્યક્તિને નાની મોટી ઈજા થઈ છે. બંને પક્ષે પોલીસમાં ફરિયાદ નોંધાવી છે. પોલીસે પાંચ મહિલા સહિત પંદર સામે ગુન્હો નોંધ્યો છે.
જામનગરના કાલાવડ નાકા બહાર આવેલા મોરકંડા રોડ પર રબાની પાર્કમાં રહેતા અને શાક ભાજીનો વ્યવસાય કરતા કાસીમ ઈશાભાઈ હિંગોરાના બહેન ગુલશનબેન અકબરભાઈ ના ઘરમાં બાજુમાં જ રહેતા ઝાકીર મહંમદ ગોરીના ઘરમાં થી નીકળતો ધુમાડો જતો હોવાથી ગુલશનબેને પોતાના ભાઈને વાત કરી હતી. તે બાબતે સમજાવવા ગયેલા કાસીમભાઈ પર મંગળવારે બપોરે માઈનોરબેન આસીફ ચૌહાણ, ઝાકીર મહંમદ ગોરી, આસીફ ચૌહાણ, રેહાન ઝાકીર, અયાન મહેબુબ રફાઈ, સોહિલ, નઝમાબેન ઝાકીર, ફીઝાબેન ઝાકીર, સાનીયાબેન ઝાકીર ગોરીએ ધોકા, છરી, ઢીકાપાટુથી હુમલો કરી કાસીમ તથા ખેરૂનબેન, મોઈનુદ્દીન, મુસ્કાનબેનને માર મારી બચકા ભરી લીધા હતા. સારવાર માટે ચારેય વ્યક્તિને હોસ્પિટલમાં દાખલ કરવામાં આવ્યા છે.
આ બાબતની નોંધાવાયેલી ફરિયાદ સામે માઈનોરબેન આસીફહુસેન ચૌહાણે વળતી ફરિયાદ નોંધાવી છે. જેમાં તેઓએ જણાવ્યા મુજબ તેણીના માતાના ઘર પાસે રહેતા ગુલશનબેન અકબરભાઈ ના ઘરમાં ધૂપનો ધુમાડો જતો હોવાથી બંને વચ્ચે બોલાચાલી થયા પછી મંગળવારે બપોરે કાસીમ ઈશા હિંગોરા, ગુલશનબેન, ખેરૂનબેન ઈશા હિંગોરા, મોઈનુદ્દીન ઈશા, ઈશા ઓસમાણ, મુસ્કાન ઈશા હિંગોરાએ ધોકો, ઢીકાપાટુથી હુમલો કરી માર માર્યાે હતો. જેમાં ગુલશનબેને સાનીયાની આંગળી મચકોળી નાખી હતી અને નઝમાબેનને ઢીકાપાટુથી ખેરૂનબેને માર માર્યાે હતો. પોલીસે બંને ફરિયાદ રજીસ્ટરે લઈ મહિલાઓ સહિત ૧૫ સામે ગુન્હો નોંધ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial