Author: નોબત સમાચાર
જામનગર દુકાનદાર પર માથામાં કૂહાડીના ઘા ઝીંકી તલવારથી હુમલો કરાતા હોસ્પિટલમાં: નવ ટાંકા આવ્યા
દિગ્જામ સર્કલ પાસે કચરો ઉપાડવાની તકરાર બની હિંસક
જામનગર તા. ૧૦: જામનગરના દિગ્જામ સર્કલ પાસે કચરો ઉપાડવાના પ્રશ્ને થયેલી તકરાર હિંસક બની હતી અને એક દુકાનદાર પર કૂહાડી-તલવારથી હુમલો થતા તેને હોસ્પિટલમાં દાખલ કરાયો હતો, અનેતેને નવ ટાંકા આવ્યા હતાં. પોલીસે ગુન્હો નોંધી નાસી છૂટેલા ચારેય આરોપીઓની શોધખોળ આદરી છે.
જામનગરમાં દિગ્જામ સર્કલ નજીક એક વેપારી ઉપર કચરો ઉપાડવાના પ્રશ્ને તકરાર થયા પછી ચાર શખ્સોએ કૂહાડી તેમજ તલવાર વડે હુમલો કરી લોહીલુહાણ કરી નાખ્યા હતાં અને વેપારીના માથામાં ૯ ટાંકા લેવા પડ્યા છે. જે મામલે ચારેય શખ્સો સામે પોલીસ ફરિયાદ નોંધાવાઈ છે.
આ બનાવની વિગત એવી છે કે જામનગરમાં જુના રેલવે સ્ટેશન પાસે રહેતા અને દિગ્જામ સર્કલ નજીક પરચુરણ માલસામાનની દુકાન ચલાવતા ઈસ્માઈલ નુરમામદ નામના ૪૮ વર્ષના વાઘેર યુવાન પર દુકાનની બહાર પડેલો કચરો ઉપાડવાના પ્રશ્ને રમેશભાઈ કોળી તેમજ તેના ભાઈના બે દીકરાઓ તથા રમેશભાઈનો મિત્ર વગેરેએ માથામાં કૂહાડાના ઘા ઝીંકી દઈ હાથમાં તલવાર વડે ઈજા પહોંચાડી હતી.
આથી તેને લોહી નિતરતી હાલતમાં સારવાર માટે જામનગરની સરકારી જી.જી. હોસ્પિટલમાં ખસેડવામાં આવ્યા હતાં અને તેઓના માથામાં નવ ટાંકા લેવા પડ્યા છે.
આ હુમલાના બનાવ અંગે ઈસ્માઈલભાઈ ચમડિયાની ફરિયાદના આધારે સિટી 'સી' ડિવિઝનના મહિલા પીએસઆઈ એમ.વી. દવે અને તેમના સ્ટાફે આરોપીઓ સામે હુમલા અંગે ગુનો નોંધ્યો છે અને તેઓ ભાગી છૂટ્યા હોવાથી શોધખોળ ચલાવાઈ રહી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
