Author: નોબત સમાચાર
દારૂનો નશો કરવાની બાબતે પત્ની સાથે કંકાસ થતાં પ્રૌઢનો ગળાફાંસો
પેટના દુખાવાથી કંટાળી યુવાને કરી લીધી આત્મહત્યાઃ
જામનગર તા.૧૦ : જામનગરના મયુરનગર નજીકના આવાસમાં રહેતા એક પ્રૌઢે પત્ની સાથે દારૂ પીવાની બાબતે ઝઘડો થતાં પંખાના હુંકમાં ગળાફાંસો ખાઈ લીધો છે જ્યારે હનુમાન ટેકરીના યુવાને પેટના દુખાવાથી કંટાળી જઈ ગળાટૂંપો ખાઈ આત્મ હત્યા કરી લીધી છે. તે ઉપરાંત મોટી ખાવડીમાં આંબાના બગીચામાં કામ કરી રહેલા યુવાનનું મૃત્યુ નિપજ્યું છે.
જામનગરના દિગ્જામ સર્કલ નજીક આવેલા મયુરનગર પાસેના બોમ્બે આવાસમાં રહેતા મૂળ રાજકોટ જિલ્લાના જામકંડોરણા તાલુકાના સાતુદળ ગામના જગદીશસિંહ પંચાલજી જાડેજા નામના ૫૦ વર્ષના પ્રૌઢને દારૂનો નશો કરવાની આદત હતી. તે બાબતે જગદીશસિંહ તથા તેમના પત્ની વચ્ચે અવારનવાર ઝઘડો થતો હતો. તે બાબતનું માઠું લાગી આવતા શનિવારે સવારે જગદીશસિંહે પોતાના ઘરે એક ઓરડામાં પંખાના હુકમાં ચુંદડી બાંધી ગળાફાંસો ખાઈ લીધો હતો. આ પ્રૌઢનું મૃત્યુ નિપજ્યાનું નાથીબેન પ્રભુભાઈ ઝીંઝુવાડીયાએ પોલીસમાં જાહેર કર્યું છે.
દેવભૂમિ દ્વારકા જિલ્લાના ખંભાળિયા તાલુકાના વાડીનાર ગામના ધાર વિસ્તારમાં રહેતા ઓસમાણભાઈ કરીમભાઈ ફકીર નામના બાવન વર્ષના પ્રૌઢ ગત શનિવારે મોટી ખાવડી પાસે આવેલા આંબાના બગીચામાં મજૂરીકામ માટે આવ્યા હતા ત્યરે કોઈ રીતે મૃત્યુ પામતા તેમના પુત્ર ઐયાન ઓસમાણભાઈ ફકીરે પોલીસને જાણ કરી છે. પોલીસે મૃતદેહને પીએમ માટે ખસેડી મૃત્યુનું કારણ જાણવા તપાસ હાથ ધરી છે.
જામનગરના હનુમાન ટેકરી વિસ્તારમાં વસવાટ કરતા પ્રફુલભાઈ લક્ષ્મણભાઈ ડયા નામના ૨૬ વર્ષના યુવાનને છેલ્લા બે વર્ષથી પેટમાં દુખાવાની બીમારી લાગુ પડી હતી. જેની સારવાર લેવા છતાં સારૂ થતું ન હોવાથી હોવાથી કંટાળી ગયેલા પ્રફુલભાઈએ શનિવારે રાત્રે પોતાના ઘરે ગળાફાંસો ખાઈ આત્મહત્યા કરી લીધી છે. તેમના પિતા લક્ષ્મણભાઈ પીઠાભાઈ ડયાએ પોલીસને જાણ કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
