Author: નોબત સમાચાર
પરિણીતાની આત્મહત્યાના કેસમાં પતિની જામીનમુક્તિની અરજી રદ્દ
મૃતકના ભાઈએ નોંધાવી હતી ફરિયાદઃ
જામનગર તા.૧૦: મેઘપર ગામ પાસે રહેતા એક પરપ્રાંતીય મહિલાએ પતિની ખોટી શંકા અને સાસુ-સસરાના મેણાટોણાથી કંટાળી જઈ ગળા ફાંસો ખાઈ લીધો હતો. તેણીના ભાઈની ફરિયાદ પરથી પોલીસે ગુન્હો નોંધ્યો હતો. આ ગુન્હામાં આરોપી પતિએ જામીનમુક્ત થવા કરેલી અરજી કોર્ટ દ્વારા નામંજૂર કરાઈ છે.
જામનગર-ખંભાળિયા રોડ પર મેઘપર પાસે રહેતા નિરૂકુમારી હીરામણી ચૌહાણ નામના મહિલાએ પોતાના રહેણાંકમાં ગળાફાંસો ખાઈ આત્મહત્યા કરી લીધી હતી.
ત્યારપછી મૃતક યુવતીના ભાઈ અમરજીત ચૌહાણે પોલીસમાં બનેવી હીરામણી ચૌહાણ સામે ફરિયાદ નોંધાવી જણાવ્યું હતું કે, તેઓ પત્ની પર અન્ય સાથે વાત કરવા બાબતે શંકા કરી પરેશાન કરતા હતા અને સાસુ-સસરા મેણાટોણા મારતા હતા. પોલીસે પતિ સહિતના વ્યક્તિઓ સામે ગુન્હો નોંધ્યા પછી આરોપી હીરામણી ચૌહાણની ધરપકડ કરી હતી. જેલહવાલે થયેલા આ આરોપી એ પોતાની સામેનું ચાર્જશીટ રજૂ થયા પછી અદાલતમાં જામીનમુક્ત થવા અરજી કરી હતી. તે અરજી કોર્ટ એપીપી ધર્મેન્દ્ર જીવરાજાણીની દલીલ ગ્રાહ્ય રાખી નામંજૂર કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
