Advertisement
Author: નોબત સમાચાર

જામનગરમાં બાંધકામ ધંધાર્થીના ઘરે જઈ ગાળો ભાંડી કેમેરામાં તોડફોડ કરાઈ

મયુર માડમ સામે અલગ અલગ બે ગુન્હા નોંધાયાઃ

જામનગર તા.૧૦ : જામનગરમાં પટેલકોલોની વિસ્તારમાં એક એપાર્ટમેન્ટમાં પહોંચીને મહિલાને બેફામ ગાળો કાઢી પાર્કિંગમાં લગાવેલા સીસીટીવી કેમેરામાં નુકસાન કરવા અંગે મયુર માડમ સામે ફરિયાદ નોંધાઈ છે. જ્યારે આ શખ્સ એ જ દિવસે મોડીરાત્રે નવાગામ ઘેડ વિસ્તારમાંથી છરી સાથે મળી આવ્યો હતો. પોલીસે બંને અલગ અલગ ગુન્હા નોંધ્યા છે.

જામનગરના પટેલકોલોની શેરી નં.૧૧ રોડ નં.૧ પર આવેલા સંદીપ એપાર્ટમેન્ટમાં રહેતા અને બાંધકામના વ્યવસાય સાથે સંકળાયેલા હિતેન્દ્રસિંહ પ્રવીણસિંહ પરમાર ના ઘરે ગઈરાત્રે સવા અગિયારેક વાગ્યે મયુર ઉર્ફે ધાર્મિન માડમ (રહે. નવાગામ ઘેડ, માડમ ફળી) પહોંચ્યો હતો અને બેફામ બોલાચાલી કરીને હિતેન્દ્રસિંહના પત્નીને ગાળો આપી હતી. જ્યારે એપાર્ટમેન્ટના પાર્કિંગમાં લગાડેલા સીસીટીવી કેમેરામાં રૂ.૪ હજારનું નુકસાન કર્યું હતું. આ બનાવ અંગે હિતેન્દ્રસિંહ પ્રવીણસિંહ પરમારે પોલીસમાં ફરિયાદ નોંધાવી છે જેની તપાસ પીએસઆઈ એમ.વી. મોઢવાડીયા ચલાવી રહ્યા છે. આ બનાવના ચારેક કલાક બાદ પોલીસે નવાગામ ઘેડ માડમ ફળી વિસ્તારમાંથી એટલે કે આરોપીના ઘર નજીકથી જ મયુર માડમને છરી સાથે ઝડપી લીધો હતો અને તેની સામે ગુન્હો નોંધ્યો હતો.

 

જો આપને  પોસ્ટ ગમી હોય તો શેર કરો...

Follow us:   પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

 

Social Media

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

 

વિડિયો માટે અમારી યુ-ટ્યૂબ ચેનલને સબસ્ક્રાઈબ કરો

https://youtube.com/@Nobatofficial



Advertisement

અન્ય સમાચારો

Advertisement
close
Ank Bandh