Author: નોબત સમાચાર
જામનગરમાં મહત્તમ તાપમાન ૩૭.પ ડીગ્રી
એક જ દિવસમાં ૩.૯ ડીગ્રીના વધારા સાથે
જામનગર તા. ૧૦: જામનગરમાં તાપમાનમાં વધારા-ઘટાડાના દોર વચ્ચે આજે સવારે પૂરા થતાં ચોવીસ કલાક દરમિયાન ૩.૯ ડીગ્રીના વધારા સાથે મહત્તમ તાપમાન ૩૦.પ ડીગ્રીએ પહોંચી ગયું હતું. જેના પગલે બપોરે આકરા તાપનો અનુભવ જનતાએ કર્યો હતો.
જામનગરમાં ઉનાળાના આગમ વચ્ચે તાપમાનમાં વધારા-ઘટાડાનો દોર ચાલી રહ્યો છે. એમ દિવસ તાપમાન વધે છે તો બીજા દિવસ તેમાં ઘટાડો થાય છે. નગરમાં સોમવારે સવારે પૂરા થતા ચોવીસ કલાક દરમિયાન મહત્તમ તાપમાનનો પારો સડસડાટ ૩.૯ ડીગ્રી સુધી ઊંચકાયને ૩૭.પ ડીગ્રીએ પહોંચી ગયો હતો. તાપમાન ૩૭ ડીગ્રીને પાર થઈ જતા ગઈકાલે બપોરે આકરો તાપ રહેવા પામ્યો હતો. માર્ચ માસના બીજા સપ્તાહના પ્રારંભે ઉનાળાએ જાણે ગતિ પકડી લીધી હોય તેવું લાગે છે. અંગ દઝાડતા તાપ સાથે રક્ષણ મળે તે માટે ગઈકાલે બપોરે લોકોએ કામ વગર ઘરની બહાર જવાનું ટાળ્યું હતું. આગામી સમયમાં હિટવેવ સાથે કાળજાળ ગરમી પડવાની આગાહી હવામાન વિભાગ દ્વારા કરવામાં આવી છે.
જામનગરમાં છેલ્લા ચોવીસ કલાક દરમિયાન કોઈ વધારા કે ઘટાડા વગર લઘુતમ તાપમાન ર૦.પ ડીગ્રીએ સ્થિર રહ્યું હતું. વાતાવરણમાં ભેજનું પ્રમાણ ૧૯ ટક ઘટીને ૭૩ ટકા રહ્યું હતું. પવનની ગતિ પ્રતિ કલાકની સરેરાશ ૧પ થી ર૦ કિ.મી.ની રહેવા પામી હતી.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
