Author: નોબત સમાચાર
ચેમ્પિયન્સ ટ્રોફી પર ભારતનો કબજોઃ જીતનો જશ્ન : ભવ્ય આતશબાજી
નગરમાં ઠેર ઠેર વિજયોત્સવઃ રણજીતસાગર રોડ પર મોટી સ્ક્રીન ગોઠવી જિવંત પ્રસારણઃ ભારત માતાકી જય ના નારા ગુંજ્યા
દુબઈમાં રમાયેલી ચેમ્પિયન ટ્રોફીની ફાઇનલ મેચ માં ભારતે ટ્રોફી પર કબ્જો કરી લેતાં જામનગરમાં જીતનો જબરજસ્ત જશ્ન મનાવાયો હતો. શહેરના હવાઈચોક- રણજીતનગર-ઇન્દિરા કોલીની સહિતના અનેક વિસ્તારોમાં ભવ્ય આતશબાજીઃ ભારત માતાકી જય ના નારા ગુંજયા હતાં. જામનગરના સ્ટાર ક્રિકેટર રવિન્દ્ર જાડેજાએ વિજયી ચોગ્ગો ફટકારીને ભારતને વિજય અપાવ્યો હતો. જેથી સમગ્ર ભારત જશ્ન માં ડૂબી ગયું હતું, જેમાં જામનગર પણ પાછળ રહૃાું ન હતું. જામનગર શહેરના અનેક ક્રિકેટ પ્રેમીઓ મેચ પૂર્ણ થયા બાદ રસ્તાઓ પર ઉતરી પડ્યા હતા. જેમાં ખાસ કરીને હવાઈચોક વિસ્તારમાં મોટી સંખ્યામાં લોકો એકત્ર થઈ ગયા હતા, અને ભવ્ય આતશબાજી કરી હતી. જ્યાં અનેક યુવા ક્રિકેટ પ્રેમીઓ મોટી સંખ્યામાં એકત્ર થયા હતા, અને ભવ્ય આતશબાજી કર્યા બાદ ડી.જે.ના તાલે ધમાલ- મસ્તી સાથે તીરંગો ધ્વજ ફરકાવીને ભારતના વિજયને વધાવ્યો હતો. તેમજ ભારત માતાકી જય ના નારા ગજવ્યા હતા. આ ઉપરાંત જામનગરના રણજીતસાગર રોડ પર એક વિશાળ કદનો સ્ક્રીન જાહેરમાં ગોઠવાયો હતો, જ્યાં મોટી સંખ્યામાં ક્રિકેટ પ્રેમીઓ એકત્ર થયા હતા, અને લાઈવ કોમેન્ટ્રી ની સાથે સાથે હર્ષોલ્લાસ સાથે જીતનો જશ્ન મનાવાયો હતો. અને ભવ્ય આતશબાજી પણ થઈ હતી. આ ઉપરાંત શહેરના રણજીત નગર પટેલ સમાજ, ઇન્દિરા કોલોની, એરફોર્સ રોડ સહિતના અન્ય વિસ્તારોમાં પણ ક્રિકેટ પ્રેમી લોકોએ રસ્તા પર આવી જઈ ફટાકડા ફોડીને ભારતના વિજયને વધાવ્યો હતો. તો કેટલાક યુવાનો પોતાના બાઈકમાં તિરંગો ધ્વજ લઈને શહેરમાં ફરતા જોવા મળ્યા હતા.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
