Nobat ના બધા ન્યુઝ તમારા નોટીફીકેસન મેળવવા માટે નીચે I Understand ઉપર ક્લિક કરો.
અન્ય બે દરોડામાં ત્રણ બોટલ સાથે ત્રણ પકડાયાઃ
જામનગર તા.૧૦ : જામનગરના હાપા માર્કેટીંગ યાર્ડ રોડ પરથી એક બાઈકમાં દારૂની બોટલ લઈને જતાં બે શખ્સને પોલીસે પકડી પાડ્યા છે. જ્યારે રણજીત સાગર રોડ પર એક મકાનમાંથી ર૪ બોટલ કબજે કરવામાં આવી છે અને એક શખ્સના મકાનમાંથી ઈંગ્લીશ દારૂની બે બોટલ સાંપડી છે.
જામનગરના માર્કેટિંગ યાર્ડથી ઠેબા ચોકડી તરફ જવાના નવા રસ્તા પરથી શનિવારે સાંજે પસાર થઈ રહેલા જીજે-૧૦-સીસી ૬૭૪૭ નંબરના હીરો મોટરસાયકલને પેટ્રોલિંગમાં રહેલા સીટી એ ડિવિઝન પોલીસ સ્ટેશનના સ્ટાફે રોકાવી ચેક કરતા તે બાઇક પર જઈ રહેલા ગુલાબનગરની રામવાડીવાળા તેજસ ભરતભાઈ સાગઠીયા અને પવનચક્કી વિસ્તારમાં રહેતા નીતિન ડાયાભાઈ બારીયા નામના બે શખ્સ પાસેથી ઇંગ્લિશ દારૂની એક બોટલ મળી આવી હતી. પોલીસે બોટલ તથા મોટરસાયકલ કબજે કરી બંને સામે ગુન્હો નોંધ્યું છે.
જામનગરના રણજીત સાગર રોડ પર આવેલા મારૂ કંસારા હોલ પાછળની કનૈયા પાર્ક સોસાયટીમાં એક શખ્સના મકાનમાં ઇંગ્લીશ દારૂનો જથ્થો પડ્યો હોવાની બાતમી મળતા સીટી એ ડિવિઝનના સ્ટાફે રવિવારે સાંજે દરોડો પાડ્યો હતો. ત્યાં આવેલા નરેશ મંગાભાઈ બગડા નામના શખ્સના મકાનમાં પોલીસે તલાસી લેતા તે મકાનમાંથી ભારતીય બનાવટના અંગ્રેજી શરાબની ૨૪ બોટલ મળી આવી હતી. પોલીસે તે જથ્થા સાથે નરેશ બગડાની ધરપકડ કરી છે. આ શખ્સની પૂછપરછ કરવામાં આવતા તેણે દારૂનો જથ્થો જામનગર તાલુકાના દોઢીયા ગામના વિશ્વજીતસિંહ ચાવડા પાસેથી લીધો હોવાની કબુલાત કરી છે. પોલીસે આ શખ્સની શોધ હાથ કરી છે.
જામનગરના રણજીત સાગર રોડ પર આવેલા મારૂ કંસારા હોલ પાછળની કનૈયા પાર્ક સોસાયટીમાં શનિવારે રાત્રે પોલીસે ધનાભાઈ માણશીભાઈ સંધીયા નામના શખ્સના મકાનમાં પૂર્વ બાતમીના આધારે દરોડો પાડી તલાસી લેતા ત્યાંથી ભારતીય બનાવટના અંગ્રેજી શરાબની બે બોટલ મળી આવી હતી. પોલીસે ધનાભાઈની ધરપકડ કરી છે. આ શખ્સે પોતાના સાગરિત દિગુભાનું નામ આપ્યું છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial