જામનગર નજીકના ટાપુ પર રચાશે ઈતિહાસ:

Author: નોબત સમાચાર

જામનગર નજીકના ટાપુ પર રચાશે ઈતિહાસ:

દબાણો હટાવાયા પછી સતત પેટ્રોલીંગ

જામનગર તા. ૨૪ઃ જામનગર નજીક બેડીના દરિયામાં આવેલા પિરોટન ટાપુને દબાણ મુક્ત કર્યા પછી વહીવટી તંત્ર દ્વારા ૨૬મી જાન્યુઆરીએ ધ્વજ વંદનનો કાર્યક્રમ યોજાશે. ભારતના સીમાડે આવેલા ટાપુઓની સુરક્ષા માટે ગુજરાતનું વહીવટી તંત્ર સતર્ક છે, તેનો સંદેશો આપવા સમગ્ર કાર્યવાહી થઈ રહી છે.

ગુજરાત રાજ્ય સરકારના સીધા માર્ગદર્શન અને દેખરેખ હેઠળ જામનગર નજીકના બેડીના દરિયા વિસ્તારમાં આવેલા પિરોટન ટાપુ પર ગેરકાયદે દબાણો દૂર કરવામાં આવ્યા હતા, અને જામનગર જિલ્લાના એસ.પી. પ્રેમસુખ ડેલુના સીધા માર્ગદર્શન હેઠળ ભારે પોલીસ પહેરા હેઠળ ડીમોલીશનની કાર્યવાહી હાથ ધરી લેવામાં આવી હતી. જ્યાં તમામ પ્રકારના ધાર્મિક દબાણો દૂર કરીને સમગ્ર ટાપુને ખુલ્લો કરી દેવામાં આવ્યો હતો. ત્યારબાદ પિરોટન ટાપુ પર સુરક્ષા એજન્સીઓ દ્વારા સતત પેટ્રોલિંગ કરવામાં આવી રહૃાું છે, આ ઉપરાંત આગામી તારીખ ૨૬ મી જાન્યુઆરીએ રાજ્ય સરકારના માર્ગદર્શન હેઠળ સૌપ્રથમ વખત ધ્વજવંદનનો કાર્યક્રમ પણ યોજાવા જઈ રહૃાો છે.

જામનગરના શહેર વિભાગના ડીવાયએસપી જે. એન. ઝાલાની રાહબરી હેઠળ બેડી મરિન પોલીસ સ્ટેશનના સ્ટાફ, એસઓજી શાખા તથા અન્ય પોલીસ વિભાગની ટીમ, સાથો સાથ જામનગર સ્થિત કાર્યરત વાલસુરા- નેવી, કોસ્ટકાર્ડ સહિતની સુરક્ષા એજન્સીઓના ૩૦ થી વધુ અધિકારીઓ અને જવાનોની ટીમ ૨૬મી જાન્યુઆરીએ પિરોટન ટાપુ પર પહોંચશે, અને ત્યાં ધ્વજવંદનનો કાર્યક્રમ પણ યોજાશે. જે અંગેની તમામ તૈયારીઓ કરી લેવામાં આવી છે.

ભારતના દરિયા કાંઠા ઉપર આવેલા અલગ અલગ ટાપુઓ, કે જ્યાં સુરક્ષાની દૃષ્ટિએ ભારતની તમામ સુરક્ષા એજન્સીઓ એલર્ટ છે, અને સુરક્ષાના તમામ પગલાંઓ લેવામાં આવી રહૃાા છે, જેનો સંદેશો પહોંચાડવાના ભાગરૂૂપે રાજ્ય સરકારના સીધા માર્ગદર્શન હેઠળ ધ્વજવંદનનો કાર્યક્રમ યોજવા જઈ રહૃાો છે.

જો આપને આ પોસ્ટ ગમી હોય તો શેર કરો...