Author: નોબત સમાચાર
બોલો, મનપાના માણસો મીઠી ઊંઘ માણતા રહ્યા અને...
જવાબદાર ઈજારેદારને નોટીસઃ પેનલ્ટી વસુલાશે
જામનગર તા. ૨૪ઃ જળ એજ જીવન છે. પાણીનો વેડફાટ કરશો નહી જેવા અનેક સ્લોગન સરકાર દ્વારા આપવામાં આવે છે. ત્યારે ગત રાત્રે સમર્પણ પાણીના ટાંકે જવાબદાર કર્મચારીઓ શિયાળાની મીઠી ઊંઘ માણતા રહ્યા અને પાણી છલકાઈ જતા લાખો લીટર પાણી રોડ ઉપર વહી જતા કિંમતી પાણીનો વેડફાટ થયો હતો. જો કે, જવાબદાર કોન્ટ્રાકટર પેઢીને નોટીસ આપવામાં આવી છે. જામનગરના સમર્પણ ઈ.એસ.આર.માં પાણીની આવક સતત ચાલુ હતી અને તેનાંથી સમ્પ ભરવામાં આવી રહ્યો હતો. એક સમ્પમાંથી બીજા સમ્પમાં પાણી ઠાલવાઈ રહ્યું હતું ત્યારે ટાંકો ભરાઈ ગયો હતો ત્યારે વાલ્વ ખોલીને બીજા સમ્પમાં પાણી ભરવાનું હતું પરંતુ જવાબદાર કર્મચારી રાત્રે ઊંઘી ગયા હતાં અને કોઈએ વાલ્વ ખોલ્યો નહીં પરિણામે પાણીનો સમ્પ ઓવરફલો થતા રાત્રે કલાકો સુધી પાણી વેડફાઈ રહ્યું હતું. અને જાહેર રોડ ઉપર પાણી વહેતું રહ્યું હતું. આ સમગ્ર ઘટનાનો કોઈ રાહદારીએ વિડીયો બનાવી લીધો હતો.
આ અંગે મહાનગર પાલિકાના વોટર વર્કસ શાખાના કાર્યપાલક ઈજનેર નરેશ પટેલના જણાવ્યા મુજબ આ અંગે જવાબદાર કોન્ટ્રાકટર પેઢીને નોટીસ પાઠવાઈ રહી છે. અને તેની સામે પેનલ્ટી પણ વસુલ કરવામાં આવશે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
