ગુજરાત રાજ્યના નવા ચીફ સેક્રેટરી બનશે પંકજ જોષી

Author: નોબત સમાચાર

ગુજરાત રાજ્યના નવા ચીફ સેક્રેટરી બનશે પંકજ જોષી

હાલના સીએસ રાજકુમાર ૩૧ જાન્યુ.ના થશે નિવૃત્ત

ગાંધીનગર તા. ર૪ઃ ગુજરાતના નવા ચીફ સેક્રેટરી તરીકે પંકજ જોષીની નિમણૂક જાન્યુઆરીના અંતમાં ચાર્જ સંભાળશે.

ગુજરાત સરકાર સામાન્ય વહીવટ વિભાગ દ્વારા નોટિફિકેશન કરવામાં આવ્યું છે કે પંકજ જોષી, આઈએએસ (આરઆરઃજીજેઃ૧૯૮૯) કે જેઓ રાજ્યના મુખ્યમંત્રીના અધિક મુખ્ય સચિવ છે. તેઓની બદલી અને બઢતી સાથે ગુજરાત સરકારના મુખ્ય સચિવ તરીકે નિમણૂક કરવામાં આવી છે. તેઓની બદલી અને બઢતી સાથે ગુજરાત સરકારના મુખ્ય સચિવ તરીકે નિમણૂક કરવામાં આવી છે. રાજ્યના મુખ્ય સચિવ રાજકુમાર, આઈએએસ જેઓ ભારતીય વહીવટી સેવામાંથી ૩૧ મી જાન્યુઆરીએ નિવૃત્ત થઈ રહ્યા છે. તેના સ્થાને પંકજ જોષી ચાર્જ સંભાળશે.

પંકજ જોષી મૂળ ઉત્તરાખંડ રાજ્યના છે જેઆએ ભારતીય સનદી સેવા આઈએએસની ૧૯૮૯ બેચમાં ગુજરાત કેડરમાં જોડાયા હતાં. પંકજ જોષી હાલમાં સી.એમ.ઓ.માં કાર્યરત છે. અગાઉ પણ તેઓ સી.એમ.ઓ.માં એ.સી.એસ. તરીકે ફરજ બજાવી ચૂક્યા છે.

પંકજ જોષી અગાઉ નાણા વિભાગ, એનર્જી અને પેટ્રોકેમિકલ વિભાગના પણ એ.સી.એસ. રહી ચૂક્યા છે. પ્રાંત કલેક્ટરથી શરૃ થઈ તેઓ રાજ્યના મુખ્ય સચિવ બની રહ્યા છે. તેઓ સુરત કલેક્ટર અને સુરત કમિશનર તરીકે રહી ચૂક્યા છે.

જો આપને આ પોસ્ટ ગમી હોય તો શેર કરો...