બેડેશ્વર ઓવરબ્રિજ નીચે યુવાન પર બેડીના શખ્સે હુમલો કરી આપી ધમકી

Author: નોબત સમાચાર

બેડેશ્વર ઓવરબ્રિજ નીચે યુવાન પર બેડીના શખ્સે હુમલો કરી આપી ધમકી

એક યુવાનને ત્રણ યુવતી સહિત ચારે ગાળો ભાંડીઃ

જામનગર તા.૭ : જામનગરની જી.જી. હોસ્પિટલ તરફથી વાલકેશ્વરી તરફ જવા રસ્તા પર બુધવારે સાંજે એક યુવાનને રોકી એક શખ્સ તથા ત્રણ યુવતીએ તારા મિત્ર સાથે સીનસપાટા કેમ કરતો હતો તેમ કહી ગાળો ભાંડી ધમકી આપ્યાની પોલીસમાં ફરિયાદ નોંધાઈ છે. જ્યારે બેડેશ્વર ઓવરબ્રિજ નીચે એક યુવાનને અહીં દુકાને કેમ બેઠો છો તેમ કહી બેડીના એક શખ્સે ગાળો ભાંડી ઢીકાપાટુ તથા છરીથી હુમલો કરી માર માર્યાે હતો.

જામનગરના ગાંધીનગર રોડ પર આવેલા મચ્છરનગરમાં રહેતા મીહિર સંજયભાઈ બરછા નામનો યુવાન બુધવારે ચારેક વાગ્યે વાલકેશ્વરીનગરી તરફના રસ્તા ધનવંતરી કોલેજ પાસેથી પસાર થતા હતા ત્યારે જય રામજીભાઈ આસુન્દ્રા અને તેની સાથે રહેલી ત્રણ યુવતીએ રોકી લીધો હતો.

આ વ્યક્તિઓએ તું પટેલ કોલોનીમાં તારા મિત્ર સાથે હતો ત્યારે સીનસપાટા કેમ કરતો હતો. તેમ કહી ગાળો ભાંડી નિધિ કિશનભાઈ પરમાર, જય આસુન્દ્રા, પૂજાબેન કાનાભાઈ કારીયા ઉર્ફે પૂરીબેન અને અંજલીબેન કાનાભાઈ કારીયા ઉર્ફે મીરાબેને જાનથી મારી નાખવાની ધમકી આપતા મીહિરે સિટી બી ડિવિઝન પોલીસ સ્ટેશનમાં ગઈકાલે સાંજે ફરિયાદ નોંધાવી છે.

જામનગરના બેડેશ્વર નજીક આવેલા ખોળમીલના ઢાળીયા પાસે રહેતા અર્જુન બુધાભાઈ મકવાણા ગઈકાલે બપોરે બેડેશ્વર નજીકના ઓવરબ્રિજ નીચે એક દુકાન પાસે હતા ત્યારે બેડીનો ખાડીયો નામનો શખ્સ આવ્યો હતો. તેણે અહીં શું બેઠો છો તેમ પૂછી ગાળો ભાંડ્યા પછી છરી કાઢી હુમલો કર્યાે હતો અને ઢીકાપાટુથી માર મારી જાનથી મારી નાખવાની ધમકી આપી હતી.

જો આપને આ પોસ્ટ ગમી હોય તો શેર કરો...