Nobat ના બધા ન્યુઝ તમારા નોટીફીકેસન મેળવવા માટે નીચે I Understand ઉપર ક્લિક કરો.
આવતીકાલે મહિલા દિને નવસારીમાં વિવિધ કાર્યક્રમોઃ જાહેરસભા
નવી દિલ્હી તા. ૭: વડાપ્રધાન નરેન્દ્ર મોદી આજથી બે દિવસના ગુજરાત પ્રવાસે છે. તેઓ સેલવાસમાં જાહેરસભા સંબોધ્યા પછી સુરતના લિંબાયતમાં રોડ-શો કરી બીજી જાહેરસભાને સંબોધશે.
પ્રધાનમંત્રી મોદી આજથી ફરીથી ગુજરાતની મુલાકાતે છે. આજે બપોરે સુરત એરપોર્ટ પહોંચ્યા છે. તેઓ રાજ્યમાં વિવિધ વિકાસ કાર્યોનો શિલાન્યાસ અને ઉદ્ઘાટન કરશે. અને સરકારી યોજનાઓનો લાભ ૧૦૦ ટકા લાભાર્થીઓને મળે તે લક્ષ્યને પ્રાપ્ત કરવા માટેના કાર્યક્રમોમાં ભાગ લેશે.
વડાપ્રધાન મોદી સુરત અને નવસારીમાં બે વિશાળ જાહેર સભાઓને સંબોધિત કરશે. અને કેન્દ્રશાસિત પ્રદેશ દમણ, દીવ-દાદરા નગર હવેલીને ૨૫૦૦ કરોડથી વધુના વિકાસ કાર્યોની ભેટ આપશે. તેઓ દમણના સેલવાસમાં એક જાહેર સભાને સંબોધિત કરશે. આ ઉપરાંત, તેઓ નમો મેડિકલ હોસ્પિટલ અને રિસર્ચ સેન્ટરના પ્રથમ તબક્કાનું ઉદ્ઘાટન કરશે અને બીજા તબક્કાનો શિલાન્યાસ કરશે.
સેલવાસથી પીએમ મોદી સાંજે ૫ વાગ્યે સુરતના લિંબાયત પહોંચશે. પીએમ મોદી લિંબાયત હેલિપેડથી જાહેર સભા સ્થળ સુધી ૩ કિમીનો રોડ શો કરશે અને ત્યારબાદ એક જાહેર સભાને સંબોધિત કરશે. પીએમ મોદી ૨ લાખ લાભાર્થીઓ માટે પીએમજીકેએવાય યોજનાના લાભો શરૂ કરશે. પ્રધાનમંત્રી ગરીબ કલ્યાણ અન્ન યોજના હેઠળ લાભ ન મેળવતા જરૂરિયાતમંદોને રાષ્ટ્રીય ખાદ્ય સુરક્ષા કાયદા હેઠળ ઓળખીને આ યોજનામાં સામેલ કરવામાં આવ્યા છે. તેના સંદર્ભે આ કાર્યક્રમ યોજાશે.
આ ઉપરાંત, વિધવા મહિલાઓ, વૃદ્ધો અને અપંગ લોકો માટે સહાય યોજનામાં સંતૃપ્તિ લક્ષ્ય પ્રાપ્ત કરવાની પ્રક્રિયા શરૂ થશે. જેથી તમામ લાભાર્થીઓને સરકારી યોજનાનો લાભ મળી શકે. ૭ માર્ચે જાહેર સભા પછી પીએમ મોદી સુરતમાં રાત્રિ રોકાણ કરશે. પીએમ મોદી ૮ માર્ચે સવારે ૧૦ વાગ્યે નવસારી પહોંચશે. જાહેર સભા પહેલા, પીએમ મોદી લખપતિ દીદી અને નમો ડ્રોન દીદી સાથે અલગથી વાતચીત કરશે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial