Nobat ના બધા ન્યુઝ તમારા નોટીફીકેસન મેળવવા માટે નીચે I Understand ઉપર ક્લિક કરો.
હિન્દુ સેનાએ ફોટા-વીડિયો મોકલાવ્યાઃ પગલાંની માંગઃ
જામનગર તા.૭ : જામનગર શહેર ઉપરાંત અન્ય જિલ્લાઓ તથા રાજ્યમાં કેટલાક શ્રદ્ધાળુઓ ધૂળેટીના દિને દ્વારકામાં યોજાતા ફૂલડોલ ઉત્સવમાં ભાગ લેવા માટે દર વર્ષની માફક ચાલીને દ્વારકા તરફ જઈ રહ્યા છે ત્યારે માર્ગમાં આ પદયાત્રીઓની સેવા માટે ઠેર ઠેર કેમ્પ શરૂ કરાયા છે. તે દરમિયાન કેટલાક વિઘ્નસંતોષી તત્ત્વો કાંકરીચાળો કરવાના પ્રયાસ કરી રહ્યા હોવાની વિગત જામનગર હિન્દુ સેનાને મળતા પોલીસ પાસે તે વિગતો પહોંચાડાઈ છે.
આ બાબતે વધુ પ્રકાશ પાડતા હિન્દુ સેનાના પ્રમુખ પ્રતીક ભટ્ટે જણાવ્યું છે કે, ગઈકાલે દ્વારકા દર્શને જતા કેટલાક પદયાત્રી જ્યારે જામનગરના સુભાષબ્રિજ (વિકટોરીયા પુલ) પરથી પસાર થતા હતા ત્યારે પુલ નીચેથી પથ્થરોના ઘા આવ્યા હતા. જેમાં પદયાત્રીઓને પથ્થર વાગી ગયો હતો.
આ બાબતની કોઈએ હિન્દુ સેના યુવા પાંખના ઉપપ્રમુખ સાગર ચૌહાણને જાણ કરતા તેઓએ ત્યાં ધસી જઈ પુલ નીચે જોતા પંદરથી સત્તર વર્ષની વયના લાગતા કેટલાક વિધર્મી છોકરાઓ દોડતા દેખાયા હતા તેના ફોટા, વીડિયો વગેરે ઉતારી લઈ હિન્દુ સેના દ્વારા ડીવાયએસપી જે.એન. ઝાલાને જાણ કરાઈ હતી. જેના પગલે સિટી બી ડિવિઝનના પીઆઈ પી.પી. ઝાને વાકેફ કરાયા હતા જે પદયાત્રીને પથ્થર વાગ્યા છે તેમાંથી બે પદયાત્રીના મોબાઈલ નંબર પણ હિન્દુ સેના દ્વારા પોલીસને આપવામાં આવ્યા છે. દ્વારકા જતાં શ્રદ્ધાળુઓ પર આવી રીતે રસ્તામાં આવતી અન્ય ધર્મની જગ્યાઓ પરથી આ પ્રકારના કાંકરીચાળાના પ્રયાસો ન થાય તે માટે બંદોબસ્ત ગોઠવી આપવા હિન્દુ સેના દ્વારા માગણી કરાઈ છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial