Nobat ના બધા ન્યુઝ તમારા નોટીફીકેસન મેળવવા માટે નીચે I Understand ઉપર ક્લિક કરો.
ખંભાળિયાના દ્વારકેશ કમલમ્માં શુભેચ્છા કાર્યક્રમ યોજાયો
ખંભાળિયા તા. ૭: ગુજરાત ભાજપ દ્વારા ગઈકાલે જુદા જુદા જિલ્લાઓમાં જિલ્લા પ્રમુખોની નિમણૂકો કરાઈ હતી તેમાં દ્વારકા જિલ્લામાં ભાજપ પ્રમુખ તરીકે હાલ રહેલા મયુરભાઈ રામભાઈ ગઢવીને ફરી પાછા નિયુકત કરી રીપીટ કરાયા છે.
૨૦૧૩માં દ્વારકા જિલ્લો નવો બન્યો ત્યારે પ્રમુખ તરીકે મેઘજીભાઈ કણઝારીયા હતા જે પછી પ્રમુખ તરીકે કાળુભાઈ ચાવડા આવેલા તે પછી પ્રમુખ તરીકે ખીમભાઈ જોગલ હતા. જેમની ટર્મ ૫ૂરી થાય તે પહેલા નાદુરસ્ત તબિયતથી રાજીનામું આપના તેમના સ્થાને ભાજપે મયુરભાઈ ગઢવીની નિમણૂક કરી હતી જેમને રીપીટ કર્યા છે.
મયુરભાઈ ગઢવી અગાઉ દ્વારકા જિલ્લા પંચાયતમાં સદસ્ય તરીકે વિપક્ષ તથા શાસક પક્ષના નેતા તરીકે રાજ્ય ભાજપના ડેલીગેટ તરીકે, દ્વારકા જિલ્લા ભાજપના મહામંત્રી તરીકે કામ કરી ચુકયા છે તથા તેમના સમયમાં દ્વારકા જિલ્લા પંચાયતમાં ભાજપનું શાસન, દ્વારકા તથા ભાણવડમાં ભાજપની રેકોર્ડ જીત મેળવી હતી.
ખંભાળિયા દ્વારકેશ કમલમમાં કાર્યક્રમ
ગઈકાલે દ્વારકા જિલ્લા ભાજપ પ્રમુખની જાહેરાત માટે દ્વારકેશ કમલમ ખંભાળિયામાં કાર્યક્રમ યોજાયો હતો જેમાં પ્રદેશ ચૂંટણી અધિકારી હિરેનભાઈ હિરપરા, ધારાસભ્ય પબુભા માણેક, જિલ્લા ભાજપ પ્રભારી મહેન્દ્રસિંહ સરવૈયા, અધિકારી રાજુભાઈ ભરવાડ, કશ્યપભાઈ આહિર, જિલ્લા મહામંત્રીઓ યુવરાજસિંહ વાઢેર, રસીકભાઈ નકુમ, ભરતભાઈ ગોજીયા, જિલ્લા પંચાયત પ્રમુખ પ્રતિનિધિ પી.એસ. જાડેજા ઉપસ્થિત રહ્યા હતા.
જિલ્લા અધ્યક્ષના નામ માટે ધારાસભ્ય પબુભા માણેક દ્વારા મયુરભાઈ ગઢવીના નામનો પ્રસ્તાવ મુકવામાં આવ્યો હતો જેને ભાજપ અગ્રણી પી.એસ. જાડેજાએ ટેકો આપ્યો હતો જે પછી પ્રદેશ ચૂંટણી અધિકારી હિરેનભાઈ હિરપરાએ મયુરભાઈ ગઢવીના પ્રમુખના નામની જાહેરાત કરી હતી.
કાર્યક્રમમાં સંચાલન જિલ્લા મહામંત્રી યુવરાજસિંહ વાઢેરે કર્યુ હતું. તથા ધારાસભ્ય પબુભા માણેક, મહેન્દ્રસિંહ સરવૈયા, પી.એસ. જાડેજા, હિરેનભાઈ હિરપરા પ્રમુખ મયુરભાઈ ગઢવી વિ.એ પ્રવચનો કર્યા હતાં.
દ્વારકા જિલ્લા ભાજપના નવા પ્રમુખના કાર્યક્રમ માટે સમગ્ર જિલ્લાના દશેય મંડલોમાંથી આવેલા હોદેદારો, કાર્યકરો દ્વારા નવા પ્રમુખ મયુરભાઈ ગઢવીનું સન્માન કરાયું હતું તથા શુભેચ્છા અપાઈ હતી.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial