Author: નોબત સમાચાર
જામનગર શહેર અને ગ્રામ્ય પંથક ઉપરાંત કલ્યાણપુરમાંથી પકડાઈ ૪૪ લાખની વીજચોરી
૨૧ દિવસના વિરામ પછી વધુ એક વખત વીજ ચેકીંગ શરૃઃ
જામનગર તા.ર૮ : જામનગરની વીજ કંપનીની કચેરીની ટૂકડીઓએ ગઈકાલે જામનગર શહેર તેમજ આજુ બાજુના ગામો અને કલ્યાણપુર તાલુકામાં વીજ ચેકીંગ હાથ ધરી રૂ.૪૪ લાખ ૬૦ હજારની વીજચોરી પકડી પાડી છે.
જામનગર પીજીવીસીએલ કચેરીના સ્ટાફે ત્રણ સપ્તાહના વિરામ પછી ગઈકાલથી વધુ એક વખત વીજ ચેકીંગનો દૌર શરૂ કર્યાે છે.
ગઈકાલે સ્થાનિક અધિકારીઓના વડપણ હેઠળની ૪ર ટુકડીએ શહેરના રામેશ્વરનગર, ક્રિષ્ના પાર્ક, માટેલ ચોક તેમજ નિલકમલ સોસાયટી, ધરારનગર, વુલન મીલ રોડ ઉપરાંત જામનગર નજીકના ઠેબા, મોટા થાવરીયા તથા નાના થાવરીયા ગામમાં ચેકીંગ હાથ ધર્યું હતું.
કેટલીક ટૂકડીઓ દેવભૂમિ દ્વારકા જિલ્લાના કલ્યાણપુર તાલુકાના ધતુરીયા, ખીરસરા સહિતના ગામોમાં વીજ ચેકીંગ માટે ધસી ગઈ હતી. ગઈકાલે આ ટૂકડીઓએ ૫૦૬ વીજ જોડાણ ચકાસ્યા હતા. તેમાંથી ૯૨ જોડાણમાં ગેરરીતિ મળી આવતા તેના ધારકોને રૂ.૪૪ લાખ ૬૦ હજારના પુરવણી બીલ આપવામાં આવ્યા છે. આ ટૂકડીઓ સાથે સ્થાનિક પોલીસના ૩૪ જવાન અને ૧૧ એસઆરપીમેન બંદોબસ્તમાં જોડવામાં આવ્યા હતા.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
